Sumqayıt Dövlət Universitetinin (SDU) 55 illik yubileyi ilə əlaqədar dekabrın 14-də iqtisadi bilik yarışı keçirilib. Yarış universitetin iqtisadiyyat və idarəetmə fakültəsi və Sumqayıt Dövlət Texniki Kollecinin birgə təşkilatçılığı ilə reallaşıb.
SDU-nun mətbuat xidmətindən AZƏRTAC–a bildirilib ki, rektor Elxan Hüseynov çıxış edərək belə bilik yarışlarının gənclərin daha yüksək səviyyədə yetişməsinə, onlarda elmi motivasiya hissini gücləndirməyə və gələcək uğurlara həvəsləndirməyə yönəldiyini deyib.
Yarışa start verildikdən sonra 6 komanda bilik və bacarıqlarını sınayıb. İştirakçılara 45 sual, hər sualın cavablandırılmasına isə 30 saniyə vaxt verilib. Suallar əsasən iqtisadi və məntiq sahələrini əhatə edib.
Gərgin və maraqlı keçən bilik yarışında I yerə “Zirvə”, II yerə “Oliqarxlar”, III yerə isə “Kapital” və “Kökaltı” komandaları layiq görülüblər.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
