Ali sinir fəaliyyətində olan pozğunluq, üzvi dəyişiklik və ya funksional disbalans həzm sistemi orqanlarında özünü büruzə verir.
Azərbaycan Tibb Universitetinin Tədris Terapevtik Klinikasından AZƏRTAC-a bildiriblər ki, bu haqda klinikanın mətbuat xidmətinə dosent, fizioterapevt Paşa Mehdiyev açıqlama verib.
Bildirilib ki, mədə-bağırsaq sistemi xəstəlikləri içərisində ən çox yayılan mədə və onikibarmaq bağırsağın xora xəstəliyidir.
Əvvəllər əsəb sarsıntıları ilə bağlı bu xəstəliyin etologiyasında nevroloji amilin üstünlük təşkil etdiyi deyilsə də, elm inkişaf etdikcə bunun başqa səbəbləri müəyyən edilib. Xora, mədə və onikibarmaq bağırsağın xəstəliyi selikli və əzələ qişalarının zədələnməsi ilə özünü göstərir. Bu zaman xəstə pəhriz sisteminə əməl etməlidir.
Qıcıqlanmış bağırsaq sindromunun da geniş yayılmış xəstəliklər sırasında olduğunu deyən P.Mehdiyev, bu xəstəliyin də funksional pozğunluq kimi xarakterizə edildiyini və sinir mənşəli olduğunu qeyd edib.
Bu xəstəlik özünü ishal, ürəkbulanma, qusma şəklində büruzə verir ki, bu zaman əsasən sakitləşdirici dərmanlardan istifadə etmək lazımdır. Antibiotiklərdən istifadə qətiyyən tövsiyə olunmur. Xüsusilə, təbii müalicəvi üsullar - bitkilərdən istifadə, mühit dəyişikliyi, idman, üzgüçülük kimi amillər bu xəstəlikdə çox effektiv təsir göstərir.
Sinir mənşəli pozğunluğa xüsusilə öd kisəsində rast gəlindiyini deyən, fizioterapevt buna öd kisəsinin diskineziyası deyildiyini bildirib.
Bu xəstəliyin iltihab mənşəli pozğunluq olmadığını qeyd edən həkim bu zaman öd kisəsində heç bir iltihab əlamətlərinin baş vermədiyini bildirib. Qeyd olunub ki, xəstəlik zamanı sağ qabırğa altı nahiyədə diskomfort halları, öd xaric olması, ağızda acılıq, ürəkbulanma əlamətləri olur. Belə hallarda antibiotiklərdən, ödqovuculardan istifadə etmək heç bir fayda vermir, təbii vasitələrdən istifadə, iş və yuxu rejimini tənzimləmək daha məsləhətlidir.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
İraqın şimalında keçirilən “Pənçə-Şimşək” və “Pənçə-İldırım” əməliyyatları ilə əlaqədar mətbuat nümayəndələri qarşısında çıxış edən Türkiyənin milli müdafiə naziri Hulusi Akar qondarma “erməni soyqırımı”na dair açıqlama verib.
