Seulda 20 Yanvar faciəsinin 27-ci ildönümü qeyd olunub

Seulda 20 Yanvar faciəsinin 27-ci ildönümü qeyd olunub
19 2017 10:52

20 Yanvar faciəsinin 27-ci ildönümü ilə əlaqədar Koreyanın yerli media nümayəndələri, elm adamları və Koreyada təhsil alan azərbaycanlı tələbələrimizin iştirakı ilə Səfirlikdə anım mərasimi keçirilib.

Səfirlikdən Trend-ə verilən məlumata görə, tədbirdə çıxış edən səfir R.Teymurov 20-ci əsrdə Azərbaycanın azadlıq mübarizəsinin tarixi haqda ətraflı məlumat verərək, 20 Yanvar faciəsinin xalqımızın tarixi yaddaşında şanlı səhifələrindən biri olduğunu bildirib və 27 il öncə müstəqillik və suverenlik uğrunda mübarizəyə qalxmış xalqımızın başına gətirilən faciədən bəhs edib. Bir çox xalqların tarixində olduğu kimi Koreya xalqının müstəqillik tarixində baş vermiş hadisələrlə paralellər aparılaraq, Sovet İttifaqının müstəqillik uğrunda mübarizəyə qalxmış millətlərin azadlıq arzusunu boğmaq cəhdinin əsas mahiyyəti haqda tədbir iştirakçılarına geniş məlumat verib. Tədbirin sonunda 20 yanvar faciəsinə dair filim nümayiş etdirilib və foto sərgi təşkil edilib.

Bununla yanaşı, Səfirlik tərəfindən 20 yanvar faciəsinin 27-ci ildönümü ilə əlaqədar Koreya KİV-də bir sıra məqalələr dərc edilib. Belə ki, 16-17 yanvar tarixlərində koreya və ingilis dillərində nəşr edilən “Korea Post” qəzetində “20 Yanvar: Azərbaycan müstəqillik mübarizəsinin ildönümü”, “Azərbaycan 20 Yanvar faciəsinin 27-ci ildönümünü qeyd edir” və “20 yanvar hadisəsinin səbəbləri və nəticələri” adlı məqalələr dərc olunub.

Məqalələrdə keçmiş Sovet İttifaqının dağılmasında başlıca rol oynayan Sovet Respublikalarında başlanmış milli azadlıq hərəkatlarından bəhs edilib, həmçinin, həmin ərəfədə Azərbaycanın müstəqilliyi və azadlığı uğrunda mübarizəyə qalxmış dinc əhaliyə, soydaşlarımıza qarşı törədilmiş amansız və dəhşətli cinayət haqqında ətraflı məlumatlar əksini tapıb. Məqalələrdə o cümlədən 20 yanvar hadisələri Azərbaycan xalqının milli azadlıq ruhuna qarşı yönəlmiş təcavüz kimi qiymətləndirilib, Sovet rəhbərliyinin bu kimi dəhşətli cinayətlərlə Azərbaycan və digər sovet xalqlarının mübarizə əzmini qıra bilmədiyi qeyd edilib.


19 Apr 2021
Siyasət

İlham Əliyev Bakıda parkın təmirinə beş milyon manat ayırdı - SƏRƏNCAM

Prezident İlham Əliyev Bakı şəhərinin Xətai rayonu ərazisində yerləşən Nizami adına mədəniyyət və istirahət parkında abadlıq işlərinin həyata keçirilməsi ilə əlaqədar tədbirlər haqqında sərəncam imzalayıb. 

19 Apr 2021
Siyasət

İlham Əliyev yarımstansiyaların açılışında - YENİLƏNİB + FOTO

Azərbaycan Respublikasının Prezidenti İlham Əliyev aprelin 19-da Bakının Suraxanı rayonunda “Azərenerji” Açıq Səhmdar Cəmiyyətinin (ASC) yenidən qurulan 220/110/10 kilovoltluq “Hövsan” yarımstansiyasının açılışında iştirak edib.

19 Apr 2021
Siyasət

Heydər Əliyev Mükafatı Komissiyasının yeni tərkibi təsdiqləndi - SƏRƏNCAM

“Azərbaycan Respublikasının Heydər Əliyev Mükafatı Komissiyasının yeni tərkibinin müəyyən edilməsi haqqında” Azərbaycan Respublikası Prezidentinin 2015-ci il 8 aprel tarixli 499 nömrəli Fərmanında dəyişiklik edilib. 

19 Apr 2021
Siyasət

Prezident azad edilmiş ərazilərin su ehtiyatlarından səmərəli istifadə edilməsi məqsədilə sərəncam imzaladı

“Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” Azərbaycan Respublikası Prezidentinin 2020-ci il 27 iyul tarixli 2178 nömrəli Sərəncamında dəyişiklik edilib.

19 Apr 2021
Siyasət

İlham Əliyev üç ölkəyə səfir təyin etdi - SƏRƏNCAM

Prezident İlham Əliyev Zaur Rəşid oğlu Əhmədovun Azərbaycan Respublikasının İsveç Krallığında fövqəladə və səlahiyyətli səfiri təyin edilməsi haqqında sərəncam imzalayıb.