Neft İxrac edən Ölkələr Təşkilatının (OPEC) ən böyük istehsalçısı Səudiyyə Ərəbistanının neft hasilatı fevralda yenidən gündəlik 10 milyon barreli ötüb. Bu da o deməkdir ki, Səudiyyə Ərəbistanı yanvarda azaltdığı neftin üçdəbirini yenidən istehsal edib.
AZƏRTAC xəbər verir ki, rəsmi Ər-Riyadın OPEC-ə göndərdiyi rəqəmlərdə Səudiyyə Ərəbistanının fevralda gündəlik neft hasilatını 263 min 300 barrel artıraraq gündəlik 10,11 milyon barrelə çatdırdığı bildirilir.
Lakin OPEC-in bu gün yaydığı aylıq proqnoz hesabatına görə, fevralda Səudiyyə Ərəbistanında neft hasilatı yanvarla müqayisədə 68 min barrel azalaraq 9 milyon 797 min barrelə düşüb. Bu da onu göstərir ki, rəsmi Ər-Riyadın yaydığı rəqəm ilə OPEC-in açıqladığı rəqəm arasında uyğunsuzluq var.
Səudiyyə Ərəbistanı qlobal bazarda tarazlığın yaranması və OPEC-in neft hasilatının azaldılmasını nəzərdə tutan sazişi üzrə götürdüyü öhdəliyi yerinə yetirmək üçün yanvar ayında ehtiyac duyduğu həcmdən artıq neft hasil etməmək barədə qərar qəbul etmişdi.
2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.
2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.
