Senat sədri: Azərbaycan-İordaniya əlaqələri tarixi, dini, mədəni köklərə əsaslanır

Senat sədri: Azərbaycan-İordaniya əlaqələri tarixi, dini, mədəni köklərə əsaslanır
07 2017 09:32

Azərbaycanın İordaniyadakı səfiri Sabir Ağabəyov fevralın 6-da İordaniya Senatının sədri Feysal Akif Faiz ilə görüşüb.

Səfirlikdən AZƏRTAC-a bildiriblər ki, görüşdə iki ölkə arasında dostluq və əməkdaşlıq əlaqələrinin səviyyəsindən razılıq ifadə edilib. Azərbaycan-İordaniya parlamentlərarası əməkdaşlıq əlaqələrinin mövcud vəziyyəti, bu əlaqələrin daha da inkişaf etdirilməsi perspektivləri, qanunverici orqanların nümayəndələrinin səfər mübadilələrinin təşkili, o cümlədən İordaniya Senatında fəaliyyət göstərən İordaniya-Azərbaycan qardaşlıq komitəsinin fəaliyyəti haqqında fikir mübadiləsi aparılıb. Xüsusilə də son on ildən artıq müddət ərzində Azərbaycanın keçdiyi uğurlu yol və əldə etdiyi nailiyyətlər, siyasi, iqtisadi həyatın bütün sahələrində qazanılan böyük uğurlar barədə məlumat verilib, respublikamızın ərəb dövlətləri, o cümlədən İordaniya ilə əlaqələrin inkişafına xüsusi önəm verdiyi diqqətə çatdırılıb.

Ermənistan-Azərbaycan, Dağlıq Qarabağ münaqişəsinə toxunan səfir S.Ağabəyov münaqişə ilə bağlı son vəziyyət, Ermənistanın bölgədə davam edən təxribatları, Azərbaycan ordusunun uğurlu aprel əməliyyatı və həmin döyüşlər nəticəsində düşməndən azad edilən ərazilərdə yenidənqurma işlərinə başlanılması barədə parlamentin spikerinə məlumat verib.

Diplomat 1992-ci ilin fevralında Ermənistan silahlı qüvvələri tərəfindən Xocalıda azərbaycanlılara qarşı törədilən soyqırımı qurbanlarının anım mərasiminin keçiriləcəyini qeyd edib, Senatın sədri və Senatda fəaliyyət göstərən İordaniya-Azərbaycan qardaşlıq komitəsinin üzvlərini həmin mərasimə dəvət edib.

Xocalı soyqırımının 25-ci ildönümü ilə bağlı səfirliyin bəyanatını spiker F.A.Faizə təqdim edən səfir S.Ağabəyov İordaniya Senatının Xocalı soyqırımının tanınması, insanlığa qarşı törədilən bu vandalizm hərəkətlərinin qətiyyətlə pislənməsi ilə bağlı qəbul etdiyi sənədə görə təşəkkürünü bir daha ifadə edib və bu addımın Azərbaycan xalqı, hökuməti tərəfindən yüksək qiymətləndirdiyini vurğulayıb.

Azərbaycan Prezidenti İlham Əliyevin Sərəncamı ilə 2017-ci ilin ölkəmizdə “İslam Həmrəyliyi İli” elan edildiyini vurğulayan səfir respublikamızın İslam Əməkdaşlıq Təşkilatının üzvü kimi geniş fəaliyyətindən, cari ilin mayın 12-dən 22-dək Bakı İslam Həmrəyliyi Oyunlarının keçiriləcəyindən söhbət açıb. Ölkəmizin müxtəlif beynəlxalq tədbirlərə uğurla ev sahibliyi etməsi və paytaxtımızda keçiriləcək V Qlobal Bakı Forum barədə məlumat verib.

Senat sədri ölkələrimiz arasındakı dostluq və qardaşlıq əlaqələrinin tarixi, dini, mədəni köklərə əsaslandığını, Kral II Abdullah ilə Prezident İlham Əliyev arasında şəxsi dostluq münasibətlərinin olduğunu böyük məmnunluqla bildirib. Dağlıq Qarabağ münaqişəsi, Xocalı soyqırımı ilə bağlı ölkəsinin birmənalı mövqeyinin olduğunu və bunun heç bir zaman dəyişməyəcəyini vurğulayıb. F.A.Faiz V Qlobal Bakı Forumuna dəvət edildiyini bildirib, gərgin iş qrafikinə baxmayaraq, bu maraqlı dost ölkəyə səfər etmək əzmində olduğunu deyib.

Sonda sədrə Azərbaycan, ölkəmizin tarixi və mədəniyyəti, xalçaları, habelə Dağlıq Qarabağ münaqişəsi və Xocalı soyqırımı haqqında ərəb dilində nəşr olunan kitablar və disklər təqdim olunub.

Görüşdə ölkəmizin İordaniyadakı səfirliyinin müşaviri İ.Əliyev də iştirak edib.


28 May 2024
Siyasət

Kamaləddin Qafarov: “Azərbaycan bu gün Cənubi Qafqazda sülhün əsas qarantıdır”

“ Ölkəmiz Şərqin ilk demokratik dövləti olan Azərbaycan Xalq Cümhuriyyəti (AXC) yaranmasının 106-cı ildönümünü qeyd edir. 1918-ci il may ayının 28-də istiqlaliyyətini elan edən Cümhuriyyət şanlı dövlətçilik tariximizi müstəsna dərəcədə zənginləşdirmişdir. Azərbaycan Xalq Cümhuriyyətinin yaranması, milli dövlətçiliyin bərpası, Azərbaycanın müstəqilliyi uğrunda mübarizənin başlanması düşmənlərin planlarını pozmuş oldu. May ayının 28-də Azərbaycan Xalq Cümhuriyyətinin qəbul etdiyi Konstitusiya aktı statusuna malik olan ilk hüquqi sənəd – İstiqlal Bəyannaməsində müstəqil Azərbaycan dövlətinin yarandığı bəyan olundu, onun hakimiyyətinin şamil edildiyi ərazinin hüdudları müəyyənləşdirildi və dövlətin əsas fəaliyyət prinsipləri öz əksini tapdı.”

27 May 2024
Siyasət

Azərbaycanda seçicilərin sayı açıqlanıb

Azərbaycanda səsvermə hüququ olan 6 milyon 326 min 764 şəxs var.

27 May 2024
Siyasət

İlham Əliyev və Mehriban Əliyeva "Crescent Mall" ticarət mərkəzinin açılışında iştirak ediblər

Azərbaycan Respublikasının Prezidenti İlham Əliyev və birinci xanım Mehriban Əliyeva mayın 27-də Bakıda “Crescent Bay” layihəsinin təqdimatı və “Crescent Mall” ticarət mərkəzinin açılışında iştirak ediblər.

27 May 2024
Siyasət

İlham Əliyevə təbrik məktubları gəlməkdə davam edir

Fələstin Dövlətinin Prezidenti, Fələstin Azadlıq Təşkilatı İcraiyyə Komitəsinin sədri Mahmud Abbas Azərbaycan Respublikasının Prezidenti İlham Əliyevə təbrik məktubu ünvanlayıb.

27 May 2024
Siyasət

Azərbaycanın mühüm təşəbbüsü

“Ölkə Prezidenti cənab İlham Əliyev bu il aprelin 26-da Almaniyanın paytaxtı Berlində “Euronews” telekanalına verdiyi müsahibəsində qlobal iqlim dəyişikliyi ilə bağlı məsələlərdə Azərbaycanın prinsipial mövqeyini bir daha ifadə etmişdir.