Səhiyyə Nazirliyi Azərbaycanda H3N2 virusuna yoluxma nəticəsində əhali arasında ölüm faktlarının baş verməsi barədə yayılan məlumatlara münasibət bildirib.
Nazirliyin baş epidemioloqu İbadulla Ağayev Trend-ə bildirib ki, Azərbaycanda qrip diaqnozu ilə ölüm faktı qeydə alınmayıb.
Onun sözlərinə görə, qripdən ölüm faktının təsdiqlənməsi üçün ölmüş şəxsin meyiti Məhkəmə Tibbi Ekspertiza və Patoloji Anatomiya Birliyinin şöbələrində müayinə edilməli və onun nəticəsində ölümün səbəbi aydınlaşdırılmalıdır:
“Əgər qripdən ölüm faktı varsa, Səhiyyə Nazirliyi bununla bağlı mütləq açıqlama verərdi. Lakin belə hal olmayıb, bu barədə deyilənlər həqiqəti əks etdirmir və məqsəd əhali arasında xof yaratmaqdır. 2006-cı ildə “quş qripi”ndən ölüm faktı qeydə alındıqda, bu barədə rəsmi məlumat verildi. Bizim hər hansı yoluxucu xəstəliyin ölkə ərazisində movcud olması faktını gizlətmək marağımız yoxdur. Bu barədə məlumatları gizlətməyə ixtiyarımız da yoxdur”.
İ.Ağayev deyib ki, xəstə qripə yoluxduğunu təsdiqləmək üçün mütləq poliklinikaya müraciət etməli, orada ondan yaxma götürülməlidir:
"Yaxma müayinəsi nəticəsində qripin aşkar olunub-olunmamasını isə yalnız Səhiyyə Nazirliyinin Respublika Taun Əleyhinə Stansiyasında müəyyən etmək mümkündür. Hər bir yoxlamaların cavabı poliklinilalara, xəstəxanalara göndərilir. O cavabı kim gizlədə bilər?”
İ.Ağayev əlavə edib ki, ilin hazırkı mövsümündə kəskin resperator virus infeksiyalarının yayılması normaldır.
Lakin hazırda ölkə ərazisində epidemioloji durumun sabit olduğunu deyən baş epidemioloq qeyd edib ki, ölkədə kəskin resperator virus infeksiyalarına yoxluxma faktı qeydə alınsa da, bu, epidemioloji səviyyədə deyil.
İ.Ağayev hesab edir ki, amma bu virusların yayılmasında əhalinin özünün də rolu olur. Çünki viruslardan qorunmaq üçün tibbi maskalardan istifadə edilməli olsa da, Azərbaycanda əhalinin tibbi maskalardan istifadəyə marağı yoxdur.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
