Səfir Dursun Həsənov etimadnaməsini Gürcüstan prezidentinə təqdim edib

Səfir Dursun Həsənov etimadnaməsini Gürcüstan prezidentinə təqdim edib
21 2017 10:16

Yanvarın 20-də Azərbaycanın Gürcüstandakı səfiri Dursun Həsənov Gürcüstan Prezidenti cənab Giorgi Marqvelaşvili tərəfindən qəbul edilib.

Xarici İşlər Nazirliyindən Trend-ə verilən məlumata görə, səfir Dursun Həsənov etimadnaməsini Gürcüstan Prezidenti cənab Giorgi Marqvelaşviliyə təqdim edib.

Gürcüstan Prezidenti səfir Dursun Həsənovu yeni təyinatı münasibəti ilə təbrik edərək, diplomatik fəaliyyətində uğurlar arzulayıb.

Səfir Dursun Həsənov Prezident cənab İlham Əliyevin salamlarını Gürcüstan Prezidenti cənab Giorgi Marqvelaşviliyə çatdırıb. Ölkəmizin strateji tərəfdaşı olan dost ölkə Gürcüstana təyin olunmağında yüksək etimadı doğrultmaq üçün bütün səylərini və gücünü səfərbər edəcəyini bildirib. Gürcüstan Prezidenti öz növbəsində ən səmimi salamları və xoş arzularının Azərbaycan Respublikasının Prezidenti cənab İlham Əliyevə çatdırılmasını xahiş edib.

Gürcüstan Prezidenti iki ölkə arasında yüksək səviyyəli siyasi, iqtisadi əlaqələrin eləcə də bir çox energetika, nəqliyyat, ticarət layihələrinin mövcud olduğunu bildirərək, mədəni və turizm əlaqələrinin də inkişaf etdirilməsinin zəruriliyini bildirib. Turizm sahəsində Qara dəniz və Xəzər hövzəsi ölkələri ilə, xüsusi ilə Azərbaycanla Gürcüstan arasında yeni turizm layihələrinin təşkil edilməsi istiqamətində müvafiq işlərin görülməsinə böyük ehtiyac olduğunu qeyd edib və bu cür layihələrin həyata keçirilməsinin xalqlarımızın maddi və mənəvi rifahının yüksəlməsinə xidmət edəcəyini bildirib. Gürcüstan Prezidenti cənab Giorgi Marqvelaşvili ikitərəfli əlaqələrin daha da dərinləşməsində böyük potensialın olduğunu qeyd edib.

Səfir Dursun Həsənov iki ölkə arasında ikitərəfli və çoxtərəfli siyasi əlaqələrlə yanaşı, həmçinin iqtisadi, humanitar və digər sahələr üzrə əlaqələrimizin də inkişaf etdiyini qeyd edərək, siyasi sahədə qarşılıqlı dəstəklərin, siyasi bəyanatların, iqtisadi sahədə isə Bakı-Tbilisi-Ceyhan, Bakı-Tbilisi-Ərzurum, TAP, TANAP, Cənub Qaz dəhlizi layihələrinin eləcə tarixi Ipək Yolunun bərpasında böyük rol oynayan Bakı-Tbilisi-Qars dəmir yolu nəqliyyat layihəsinin reallaşmasının sözügedən əlaqələri daha da inkişaf etdirəcəyinə əminlik yaratdığını vurğulayıb.


15 Apr 2021
Siyasət

Dünya Cənubi Qafqaza yeni baxışını ortaya qoyur - Kamaləddin Qafarov

“Aprelin 13-də ADA Universitetində keçirilmiş "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfrans Azərbaycanın müəllifi olduğu yeni regional reallıqların həqiqətən də artıq bütün dünya tərəfindən qəbul edildiyini bir daha təsdiq etmiş oldu. Ölkə Prezidenti cənab İlham Əliyev konfransda etdiyi çıxışında birmənalı olaraq qeyd etdi ki, Azərbaycan ümumi gələcək naminə konstruktiv addımlar atmağa hazırdır, lakin Ermənistan ordusu tərəfindən törədilmiş vəhşiliklər də xalqımız tərəfindən heç zaman unudulmayacaqdır. Bununla da dövlətimizin başçısı Ermənistandakı bəzi revanşist əhval-ruhiyəli qüvvələrə növbəti dəfə xəbərdarlıq mesajlarını aşkar və net şəkildə çatdırdı.”

15 Apr 2021
Siyasət

Mehriban Əliyeva SMA xəstəliyindən əziyyət çəkən Tunarla bağlı tapşırıq verdi - FOTO

Heydər Əliyev Fondunun Prezidenti Mehriban Əliyevanın tapşırığı ilə Fond SMA xəstəliyindən əziyyət çəkən Tunar Bağırovla bağlı özəl sektorda fəaliyyət göstərən şirkətlərə müraciət edib.

15 Apr 2021
Siyasət

İlham Əliyev: “Münaqişənin hərbi-siyasi yolla nizamlanmasında təqsirkar, əlbəttə, işğalçı ölkədir”

“Biz Ermənistanla münaqişəni demək olar 30 il müddətində sülh yolu ilə nizamlamaq istədik. Danışıqlar prosesinə sadiq olmağımız da bizim niyyətlərimizə dəlalət edir. Buna görə də münaqişənin hərbi-siyasi yolla nizamlanmasında təqsirkar, əlbəttə, işğalçı ölkədir”.

15 Apr 2021
Siyasət

Azərbaycan Prezidenti: “Zəngəzur dəhlizi reallığa çevrilir”

“Hesab edirəm ki, münaqişədən sonrakı inkişafla bağlı vəziyyət bütövlükdə müsbət səciyyələndirilə bilər. Mən münaqişədən sonrakı vəziyyətin inkişafına bizim yanaşmalarımız və bu haqda bizim təsəvvürümüz barədə Aleksandr Qriqoryeviçi məlumatlandırdım. Şübhəsiz, Azərbaycanın mövqeyini bildirim ki, biz belə hesab edirik və reallıq da belədir ki, Dağlıq Qarabağ münaqişəsi nizamlanıb. Azərbaycan onu müstəqil surətdə nizamlayıb, BMT Təhlükəsizlik Şurasının 4 qətnaməsini yerinə yetirib”. 

15 Apr 2021
Siyasət

İlham Əliyev: “Azad olunan ərazilərin bərpasına yalnız dost ölkələrdən olan şirkətləri cəlb edəcəyik” - VİDEO

“Biz Qarabağda işğaldan azad olunmuş ərazilərin bərpasında bir sıra istiqamətlər üzrə - həm şəhərsalma, həm infrastrukturun yaradılması, kənd təsərrüfatının inkişafı sahələrində Belarus şirkətlərinin gələcək iştirakı ilə bağlı məsələləri ətraflı müzakirə etdik. Biz dünən də, bu gün də Belarusun aqroşəhərciklər yaradılması sahəsində təcrübəsini geniş müzakirə etdik. Mən Aleksandr Qriqoryeviçə məlumat verdim ki, Qarabağ “yaşıl enerji” zonası elan edilib və birinci “ağıllı kənd” layihəsi praktiki olaraq həyata keçirilməyə hazırdır. Əlbəttə, bu sahədə Belarusun təcrübəsi nəzərə alınmaqla bu istiqamətdə işləmək çox maraqlı olardı”.