“Ekol Mühəndislik Xidmətləri” Qapalı Səhmdar Cəmiyyətinin (QSC) Torpaqların Rekultivasiyası Departamenti (TRD) SOCAR-ın idarələrinin ərazisindəki 85 min 500-dən çox müxtəlif növ ağac və bəzək kollarına aqrotexniki xidmətlər göstərir.
QSC-dən AZƏRTAC-a bildirilib ki, TRD neft sənayesi sahələrində neftlə çirklənmiş torpaqların təmizlənməsini, reabilitasiya olunmuş ərazilərdə yaşıllıqların salınmasını, bitkilərə aqrotexniki xidmətlərin göstərilməsini və landşaftın bərpasını həyata keçirir. Departament tərəfindən 2016-cı ilin IV rübündə SOCAR-ın “Azneft” İstehsalat Birliyinin (İB) neft və qazçıxarma idarələrinin (NQÇİ) reabilitasiya olunmuş mədən ərazilərindəki yaşıllıq sahələrində bitkilərə aqrotexniki xidmətlərin göstərilməsi işlərini yüksək səviyyədə yerinə yetirilib. Hazırda, TRD SOCAR-ın Qaz Emalı Zavodunun ərazisində 11 min 877 ədəd, “Azneft” İB-nin “BibiHeybətneft” NQÇİ-nin mədən ərazisində 51 min 130 ədəd, “Abşeronneft” NQÇİ-nin mədən ərazisində (Pirallahı) 13 min 524 ədəd, H.Z.Tağıyev adına NQÇİ-nin mədən ərazisində (Qala) 4 min 420 ədəd, departamentin inzibati binasının ərazisində (A-4 Zığ sahəsi) isə 4 min 553 ədəd müxtəlif növ ağac və bəzək kollarına aqrotexniki xidmətlər göstərir. Ötən ilin yaz, payız və qış mövsümlərində xidmət göstərilən yaşıllıq sahələrindəki bitkilərə lazım olan ehtiyat qida maddələri, üzvi və mineral gübrələr, münbit torpaq, peyin və su ilə mütəmadi olaraq təmin olunub, budanıb, quruyan ağaclar yenisi ilə əvəz edilib.
Yaşıllıq sahələrinin bərpası məqsədilə, ting ehtiyatının artırılması üçün “Azneft” İB-nin “BibiHeybətneft” NQÇİ-nin mədən ərazisində fəaliyyət göstərən TRD-nin 2-ci sahəsində 2013-cü ildə tikilib istifadəyə verilmiş 320 kvadratmetrlik istixanada akasiya, həmişəyaşıl oleandr, iydə, Eldar şamı, sərv, zeytun və sair ağacların toxumları əkilərək aqrotexniki xidmətlər göstərilib.
Bu ilin I rübündə Azərbaycana 287 min 995 ton buğda idxal edib.
Bu gün Başlıbel qətliamının ildönümüdür. Kəlbəcərin işğalı zamanı ermənilər tərəfindən azərbaycanlılara qarşı törədilmiş qırğından 32 il ötür.
Birinci Qarabağ müharibəsində itkin düşmüş hesab edilən və 32 il sonra nəşinin qalıqları tapılan şəhid hərbi qulluqçu Mübariz Sabəddin oğlu Hüseynov dəfn olunub.
