Havaların şaxtalı keçməsi mənzillərdə də problemlər yaradır. Su xətlərinin donması ailələrin susuz qalmasına səbəb olur. Hətta bu cür problemlər su sayğaclarının da sıradan çıxması ilə nəticələnir. Belə hallarda bəzi vətəndaşlar hansı quruma müraciət etməli olduqlarını bilmirlər.
Bu problemlər necə aradan qaldırılmalıdır?
Məsələ ilə bağlı Trend-ə açıqlama verən "Azərsu" Açıq Səhmdar Cəmiyyətinin mətbuat xidmətinin rəhbəri Anar Cəbrayıllı bildirib ki, bu, Nazirlər Kabinetinin "Sudan istifadə" Qaydalarına əsasən tənzimlənir: "Qaydalara əsasən, su sayğacları quraşdırılarkən problem yaranarsa, həmin sayğaclar "Azərsu" Açıq Səhmdar Cəmiyyətinin hesabına dəyişdirilir. Həmçinin, yaşayış binalarının pilləkən qəfəslərində mənzillər üçün quraşdırılan su sayğacları şaxtalı hava və digər səbəblərdən sıradan çıxarsa, həmin vaxt abonent bu barədə aidiyyəti nəzarətedici orqan və məsul şəxsə məlumat verməlidir. Bu halda sayğac "Azərsu" ASC tərəfindən ya təmir edilir, ya da dəyişdirilir. Əgər sayğac abonentin müdaxiləsi nəticəsində sıradan çıxıbsa, həmin vaxt sayğac abonentin hesabına dəyişdirilir".
A.Cəbrayıllı bildirib ki, fərdi yaşayış (həyət) evlərində küçələrdə quraşdırılmış sayğaclara isə istənilən halda abonent cavabdehlik daşıyır. Bu evlərdə sıradan çıxan sayğaclar abonentin hesabına dəyişdirilir: "Fərdi yaşayış evləri üçün quraşdırılan sayğaclar xüsusi qutulara yerləşdirilir. Həmin qutular isə şaxtaya və soyuğa davamlıdır. Buna görə də, bu sayğacların şaxtadan sıradan çıxması mümkün deyil. Həmin sayğaclar xarab olarsa, məsuliyyət abonentin üzərinə düşür. Bu halda sayğaclar abonentin hesabına təmir edilir və ya yenisi ilə əvəzlənir".
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
