Dekabrın 6-da Şamaxı-Qızmeydan avtomobil yolunda baş verən sürüşmə nəticəsində çökən yol bərpa olunub.
Bu barədə Trend-ə "Azəravtoyol" Açıq Səhmdar Cəmiyyətinin mətbuat xidmətinin rəhbəri Anar Nəcəfli məlumat verib.
Onun sözlərinə görə, "Azəravtoyol" əməkdaşları yolun çökən hissəsini bərpa edib və yolda avtmobillərin təhlükəsiz hərəkətinə şərait yaradılıb:
"Lakin həmin ərazi sürüşmə zonası olduğundan sürüşmənin qarşısının birdəfəlik alınması üçün əsaslı bərpa işləri aparılmalıdır. Bunun üçün ərazidə əsaslı bərpa işlərinə başlanılıb".
Xatırladaq ki, dekabrın 6-da baş verən sürüşmə nəticəsində adıçəkilən yolun 10 metrdən artıq hissəsi çökmüşdü. Yolun çökməsi Şamaxının 4 kəndinin mərkəzlə əlaqəsini çətinləşdirmişdi.
Bu gün Azərbaycanda Novruz bayramının dörd çərşənbəsindən sonuncusu - Torpaq çərşənbəsidir.
Azərbaycan ərazisində martın 19-na gözlənilən hava şəraiti haqqında proqnoz açıqlanıb.
Azərbaycan Prezidenti İlham Əliyev və birinci xanım Mehriban Əliyeva martın 18-də Ağdərə rayonunun Suqovuşan kəndində məscidin açılışında iştirak ediblər.
