Şabran rayonunda qədim dəvəçilik ənənələri davam etdirilir. Fermer Həsən Əliyev 10 ilə yaxındır rayonun Udulu kəndindəki təsərrüfatında dəvəçiliklə məşğuldur.
Şabranlı fermer təsərrüfatındakı dəvələrin sayını səkkizədək artırıb. 2007-ci ildə bu işlə məşğul olmağa başlayanda isə Həsən Əliyevin cəmi dörd dəvəsi olub. Fermer həmin dəvələri Abşerondakı dəvəçilik təsərrüfatından alıb.
Fermer Həsən Əliyev “səhra gəmiləri”nin sayını daha da artırmağı və gələcəkdə böyük dəvəçilik təsərrüfatına sahib olmağı qarşısına məqsəd qoyub. O, Şabran rayonunda dəvəçilik təsərrüfatının artırılması və inkişaf etdirilməsi üçün uyğun şəraitin olduğunu bildirir.
Fermer ona tez-tez dəvə südü üçün müraciətlər olduğunu deyir. O qeyd edir ki, dəvə südü xalq təbabətində əvəzedilməz müalicə vasitəsi kimi istifadə olunur. Deyilənlərə görə, dəvə südü göy öskürək, boğazağrısı, mədə-bağırsaq və vərəm xəstəliyinin müalicəsində əvəzolunmaz vasitədir.
Fermer deyir ki, dəvələrdə inkişaf və böyümə digər ev heyvanları ilə müqayisədə çox sürətli olur. İki ildənbir doğan ana dəvə ömrü boyu 15-20 bala verir. Adi otlaq şəraitində bəslənən 4-5 yaşlı dəvə orta hesabla 450-500 kiloqram ət verir. Dəvə əti tərkibinə görə iribuynuzluların ətindən zəngindir. Dəvə ətinin digər müsbət cəhəti ondan ibarətdir ki, bu heyvan qocaldıqda belə əti yumşaq olur.
Həsən Əliyevin bildirdiyinə görə, dəvələrin qiyməti çəkisindən asılı olaraq 2500-3000 manat arasında dəyişir.
Bu gün növbəti köç karvanı ilə Cəbrayıl rayonunun Şükürbəyli kəndinə çatan ailələrə evlərinin açarları təqdim olunub.
Növbəti köç karvanı Cəbrayılın Şükürbəyli kəndinə çatıb.
Sentyabrın 11-də gözlənilən hava şəraiti açıqlanıb.
