ŞOK QƏRAR: Dollara qadağa qoyuldu

ŞOK QƏRAR: Dollara qadağa qoyuldu
29 Dek 2016 15:39

Gürcüstan parlamenti əmlak və mənzillərin satışı vaxtı onların reklamlarının xarici valyutalarda realizə olunmasını qadağan edən qanun layihəsinə baxacaq.

REALPRESS.Az sia.az-a istinadən xəbər verir ki, bu barədə ölkənin "newsgeorgia.ge" saytı yazır.  

Saytın yazdığına görə, bu təşəbbüs milli valyutanın möhkəmləndirilməsi planının tərkib hissəsidir. Belə ki, hazırda Gürcüstanda daşınmaz əmlak bazarında bütün sövdələşmələr xarici valyutalarla aparılmaqdadır. O cümlədən, avtomobil satışlarından tutmuş xaricə istirahət üçün turizm agentlikləri tərəfindən təklif edilən "putyovkalar" belə dollarla göstərilir. 

Qanundakı yeni düzəlişlərə görə, "Gürcüstanın milli bankı haqqında"kı bölmədə yeni punkt olacaq: "Gürcüstan ərazisində əmlakların satışı, xidmət, reklam və s. hallarında yalnız laridən istifadə ediləcək". 

Düzəlişlər "Reklam haqqında" qanunda da ediləcək.

Qanun layihəsinin təşəbbüskarlarından biri olan Gürcüstanın maliyyə nazirinin müavini Nikoloz Qaqua da sayta açıqlamasında bəyan edib ki, düzəlişlər xüsusilə daşınmaz əmlaklara aiddir. "Nəticədə larinin depozit həddi yüksələcək", - deyə Qaqua bildirib.

Qeyd olunur ki, Gürcüstanın milli valyutası larinin dollara nisbətdə ucuzlaşmasından sonra milli valyutanın kursunun möhkəmləndirilməsi planı hökumət tərəfindən təklif edilib.

Həmçinin, qeyd olunur ki, 2015-ci ilin 1 yanvar tarixindən kommersiya bankları tərəfindən dollarla verilən kreditlər müştərinin tələbi nəticəsində güzəştli kursla  lariyə çevrilə bilər.  
Əlavə olaraq, hökumət vergilərdə də qiymətləri artırmaq planını işə salmağa hazırlaşır. Belə ki, Gürcüstan parlamentinin qərarına görə, avtomobillərin ölkə daxilinə gətirilməsində aksizlərin qiymətləri artmaqla yanaşı, benzin və siqaret idxalına adi vergi dəyərləri də 2017-ci ilin 1 yanvar tarixindən artırılacaq. Gürcüstan hökuməti bu vasitə ilə ölkə büdcəsinə 550 milyon lari qazanc gətirəcəyinə ümid edir.


28 Mar 2024
Dünya

Tokayev Çinə səfər edib

Qazaxıstan prezidenti Kasım-Jomart Tokayev Boao Asiya Forumunun (BAF) 23-cü sessiyasında iştirak etmək üçün Çinə səfər edib.

28 Mar 2024
Dünya

Yük gəmisinin çırpıldığı körpüdə ölənlərin sayı açıqlandı

ABŞ-ın Merilənd ştatının Baltimor şəhərində körpünün uçması nəticəsində 6 nəfərin öldüyü təsdiqlənib.

28 Mar 2024
Dünya

Rusiyanın şərqində güclü qum fırtınası - FOTO/VİDEO

Rusiyanın Amur vilayətində, Çin-Monqolustan sərhədi yaxınlığında güclü qum fırtınası yaşanıb.

28 Mar 2024
Dünya

Peruda güclü zəlzələ olub

Peruda 5,3 maqnitudalı zəlzələ olub.

28 Mar 2024
Dünya

Fransada həyəcan təbili: Silah ehtiyatı azalır

“Fransanın raket və sursat ehtiyatı çox zəifdir”.