Rüstəm Usubov: Qorbaçovu dindirmək mümkün olmadı, qaçıb gizləndi

Rüstəm Usubov: Qorbaçovu dindirmək mümkün olmadı, qaçıb gizləndi
20 2017 16:05

"SSRİ-nin keçmiş dövlət başçısı Mixail Qorbaçov ölkə konstitusiyasının 119-cu və Azərbaycan konstitusiyasının 71-ci maddəsini kobud şəkildə pozaraq həmin vaxt fövqəladə vəziyyətin tətbiq edilməsi və hərbçilərin Bakıya yeridilməsi ilə bağlı qanunsuz fərman verdi".

Trend-in məlumatına göprə, bunu Baş prokurorun birinci müavini Rüstəm Usubov deyib.

O bildirib ki, fərman əsasında yanvarın 19-u saat 00:00-dan başlayaraq hərbçilər şəhərə daxil oldu, dinc əhalini qırdılar:

"Bakı əhalisinin 132 nəfəri qətlə yetirilib, 612 nəfəri yaralanıb, 814 nəfəri qanunsuz həbs olunub. Binalara və digər qurumlara ciddi ziyan dəyib. Bakıda yetərincə hərbçi olduğu halda, 66 minlik qoşun paytaxta yeridilib. Bunlar SSRİ-nin Müdafiə Nazirliyinin, Daxili Qoşunların hərbçiləri və kursantları idi. Ən böyük azğınlığı Krasnodar vilayətinin müddətdən artıq hərbi qulluqçuları törədib, onların arasında çoxlu ermənilər olub. Hətta yanvarın 24-ü Elmlər Akademiyasının alimləri öldürülüb. Azərbaycan Televiziyasının enerji blokunun partladılması Azərbaycan DTK-nın o vaxtki rəhbəri Vaqif Hüseynov və Moskvadan gələn nümayəndələrin təşkilatçılığı ilə baş tutub. O vaxt işi Rusiya prokurorluğu aparırdı. Azərbaycan prokurorluğu isə gec - 14 fevral 1992-ci ildə başlamışdı, bu da o vaxtkı rəhbərliyin səhvidir. İki ildən sonra istintaq aparılması çox çətin idi, müəyyən sübutlar aradan qaldırılmışdı. Yenidən dindirilmə aparmaq çox çətin idi. İstintaq hərəkətləri həm burada, həm də Moskvada aparıldı. SSRİ Mərkəzi Komitəsinin rəhbər işçiləri dindirildi - onlar 19 yanvarda Bakıya ezam olunmuşdular. Ancaq Qorbaçovu və Bakatini dindirmək mümkün olmadı. O, qaçıb gizləndi. Girenko, Babkov, Mixaylov, Yazov dindirildilər. Qorbaçov istintaqdan yayındı. 1992-ci ildə 68 cild əsas iş bizə verilmədi".

R.Usubov əlavə edib ki, indiyə qədər Azərbaycan prokurorluğu 68 cild işi tələb edir: "Amma onlar bizə çatdırılmayıb. İstintaq gedir, 68 cild iş istintaqa gələndən sonra ona tam qiymət veriləcək".


16 Apr 2021
Cəmiyyət

Azərbaycan Ordusunda ideoloji işə cavabdeh rəislərin toplantısı keçirildi

Müdafiə naziri general-polkovnik Zakir Həsənovun tapşırığına əsasən, birlik, birləşmə, qoşun qisimləri, əlahiddə bölmə komandirlərinin və xüsusi təyinatlı hərbi təhsil müəssisələri rəislərinin ideoloji iş və mənəvi-psixoloji təminat üzrə müavinləri ilə Silahlı Qüvvələrin Təlim və Tədris Mərkəzində 2021-ci ilin birinci rübünün yekunlarına dair toplantı keçirilib.

16 Apr 2021
Cəmiyyət

DOST Agentliyi Müşahidə Şurasının iclası keçirildi

Dayanıqlı və Operativ Sosial Təminat Agentliyinin (DOST Agentliyinin) Müşahidə Şurasının növbəti iclası keçirilib.

16 Apr 2021
Cəmiyyət

Dövlət qurumunda yüksək vəzifəyə təyinat - FOTO

“Azəriqaz” İstehsalat Birliyində (İB) yeni vəzifə təyinatı olub.

16 Apr 2021
Cəmiyyət

Bakının daha üç qəsəbəsində yenidənqurma işləri başlanılacaq

Bu il Mərdəkan, Buzovna və Maştağa qəsəbələrində də yenidənqurma və təmir-bərpa işlərinin başlanması gözlənilir.