Fevralın 11-12-də S.Vurğun adına Azərbaycan Dövlət Rus Dram Teatrının səhnəsində Rusiyanın aparıcı teatr və kino aktyorlarının qastrol səfəri çərçivəsində Valentin Krasnoqorovun “Amansız dərs” pyesi əsasında hazırlanmış eyniadlı tamaşa nümayiş etdiriləcək.
AZƏRTAC teatrın saytına istinadla xəbər verir ki, tamaşanın rejissoru Mixail Qorevoydur. Rolları Anastasiya Zadorojnaya, Oleq Fomin, Aristarx Venes və Regina Myannik ifa edəcəklər.
Pyesin əsasında beynəlxalq rezonans doğurmuş real psixoloji eksperiment dayanır. Professorun rəhbərliyi altında iki tələbə elmi məqsədlərlə qadına əziyyət verir. Eksperimentdə iştirak personajların şəxsi münasibətlərinə də təsir edir. Kəskin süjet auditoriyanı daim gərgin vəziyyətdə saxlayır. Pyes xüsusilə gənclər arasında uğur qazanıb.
Biletləri Dövlət Rus Dram Teatrının kassasından və şəhərdəki mərkəzləşdirilmiş kassalardan almaq olar.
“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.
