Radonun qatılığının təyin edilməsi ilə bağlı üç rayonda fasiləsiz monitorinqlər aparılır

Radonun qatılığının təyin edilməsi ilə bağlı üç rayonda fasiləsiz monitorinqlər aparılır
31 2017 14:45

Şəki, Şamaxı və Kürdəmir rayonları ərazisində radon riskli zonaların müəyyənləşdirilməsi məqsədilə stasionar ölçmə nöqtələri yaradılıb. Hazırda həmin ərazilərdə radonun qatılığının təyin edilməsi ilə bağlı fasiləsiz monitorinqlər aparılır. Şamaxıda yaşayış binalarında, iş yerlərində radonun miqdarının azaldılması üzrə pilot sınaqları keçirilib, bu problemin optimal həlli metodları müəyyənləşdirilib və radonun qatılığının azaldılması ilə əlaqədar təkliflər verilib.

Bu barədə AZƏRTAC-a Azərbaycan Milli Elmlər Akademiyasının (AMEA) Geologiya və Geofizika İnstitutundan məlumat verilib. Məlumatda bildirilir ki, “Yüksək radon konsentrasiyası müşahidə olunmuş Şamaxı-İsmayıllı və Şəki-Zaqatala zonalarında radonun həcmi aktivliyinin təbiətinin tədqiqi, radon qazının insan səhhətinə təsirinin qiymətləndirilməsi və bu təsirin aradan qaldırılması üçün tədbirlərin işlənib hazırlanması” qrant layihəsi Azərbaycan Respublikasının Prezidenti yanında Elmin İnkişafı Fondunun dəstəyi ilə AMEA Radiasiya Problemləri İnstitutunun və Respublika Gigiyena və Epidemiologiya Mərkəzinin əməkdaşları tərəfindən başa çatdırılıb. Azərbaycanda ilk dəfə bu layihə çərçivəsində həyata keçirilmiş radon probleminin fundamental kompleks tədqiqatları nəticəsində radon qazının insan səhhətinə təsirinin qiymətləndirilməsi və bu təsirin aradan qaldırılmasının üsul və metodikasının ilkin variantı işlənilərək sınaqdan keçirilib.

Eyni zamanda, radonun qatılığının qapalı məkanda və ətraf mühitdə səviyyəsinin daban laylarının geoloji quruluşundan, ərazinin struktur, geomorfoloji və tektonik quruluşundan, süxurların litoloji tərkibindən, həmçinin geodinamik aktiv zonalardan (qırılmalar, çatlar və s.), təbii mineral su çıxışlarından, binaların konstruksiyasından asılılığı müəyyən edilib. İnsan səhhəti üçün zərərli olan radonun yüksək miqdarı Qobustan (Qurbançı, Təklə, Nabur, Təklə-Mirzəbaba kəndləri), Şamaxı (Çarxan, Sagiyan, Kərkənc, Çıraqlı, I və II Cabanı kəndləri, Sabir qəsəbəsi), İsmayıllı (Buynuz, Aşağıbaş, Qubaxəlilli, Uştal kəndləri) və Qax (Qum, Çinarlı kəndləri) rayonlarının ərazilərində müşahidə olunub. Radonun miqdarının azaldılması və onun təsirinin aradan qaldırılması məqsədilə praktiki tədbirlər (Şamaxı rayonunun Cabanı kəndi) keçirilib, xüsusi havalandırma sisteminin quraşdırılması nəticəsində radonun miqdarının orta hesabla üç dəfədən çox azaldılmasına nail olunub. Bundan əlavə, “Radon və insan sağlamlığı” adlı kitab tam çapa hazırlanaraq müzakirə üçün Nəşriyyat Şurasına təqdim edilib.


29 May 2024
Cəmiyyət

Bakının hansı küçələrində sıxlıq var?

Bakının bəzi küçə və prospektində nəqliyyatın sıxlığı müşahidə olunur.

29 May 2024
Cəmiyyət

Xocalıya qayıdan sakin: "Belə gözəl sonluğu heç vaxt düşünməmişdim"

"26 fevral gecəsini xatırlayanda hələ də özümü pis hiss edirəm. Ermənilər qəfil hücuma keçib bizi çöllərə saldılar".

27 May 2024
Cəmiyyət

Türkdilli dövlətlərin nazirlərinin elm və təhsil sahəsində növbəti iclasları Şuşada keçiriləcək

Şuşa şəhərində iyunun 1-də Türk Dövlətləri Təşkilatı Təhsil Nazirlərinin VIII İclası və Türk Akademiyasının Elmi Şurasının VII İclası keçiriləcək.

27 May 2024
Cəmiyyət

"Xocalı" gəmisi istismara verildi

“Azərbaycan Xəzər Dəniz Gəmiçiliyi” QSC-nin (ASCO) donanmasına “Handysize” ölçü tipli ilk gəmi qəbul edilib. Bununla da, ASCO quru yüklərin daşınmasında yeni seqmentə daxil olub. Prezident İlham Əliyevin tapşırığına əsasən, gəmiyə tarixi torpağımız Xocalının adı verilib.

27 May 2024
Cəmiyyət

Qubadlıda sərhədçilər üçün yeni yaşayış binaları istifadəyə verildi

Mayın 25-də Sərhəd Qoşunlarının "Qubadlı" əlahiddə sərhəd diviziyasında 2 yaşayış binası əsaslı təmirdən sonra istifadəyə verilib.