Qurban Yetirmişli: Xəzərdə potensial gücə malik zəlzələ ocaqları var

Qurban Yetirmişli: Xəzərdə potensial gücə malik zəlzələ ocaqları var
09 2017 15:07

Xəzərdə potensial gücə malik olan zəlzələ ocaqları var.

Trend-in məlumatına görə, bunu AMEA Respublika Seysmoloji Xidmət Mərkəzinin direktoru Qurban Yetirmişli bu gün keçirdikləri mətbuat konfransında deyib.

Mərkəz direktoru əlavə edib ki, Xəzər həm palçıq vulkanları, həm də zəlzələ ocaqları ilə çox zəngindir: "Xəzərin cənubundan tutmuş şimalına qədər zəlzələ ocaqları var. Bakı və Abşerondakı zəlzələlər də Xəzərdəki zəlzələ ocaqlarının aktivləşməsi nəticəsində baş verir".

Q.Yetirmişli deyib ki, Xəzərdə baş verən hər bir zəlzələ gücündən asılı olaraq, neft yataqlarında da müəyyən çatlar əmələ gətirə bilər: "Əgər Xəzərdə baş verən zəlzələlər zamanı neft yatağı daxilində çatlar əmələ gəlirsə, istər-istəməz yataqdakı neftin hər hansı istiqamətə axını gedəcək".

Bu baxımdan Xəzərdə dənizdibi seysmik stansiyaların quraşdırılmasını vacib sayan Q.Yetirmişli qeyd edib ki, belə stansiyalar inkişaf etmiş ölkələrdə var.

Onun sözlərinə görə, dənizdə ilkin olaraq, 3 stansiyanın quraşdırılması nəzərdə tutulur. Onların yeri də müəyyənləşdirilib və layihələndirmə işləri aparılıb. Ancaq o stansiyalar müəyyən çətinliklər üzündən hələ quraşdırılmayıb.

Q.Yetirmişli əlavə edib ki, apreldən yeni bir istiqamət üzrə iş - yəni seysmik tamoqrafiya işləri aparılacaq. Bu tədqiqatlar 4 il ərzində ABŞ alimləri ilə birgə aparılacaq.

Q.Yetirmişli bildirib ki, Almaniya Yer Elmləri Mərkəzi ilə birgə ilkin olaraq, pilot layihə kimi Bakının Səbail rayonun seysmik mikrorayonlaşdırılması aparılacaq. Bunun üçün Azərbaycana böyük avadanlıqlar gətiriləcək.


30 Yan 2023
Cəmiyyət

Samir Şərifov kollegiya iclası keçirib - FOTO

Azərbaycan Respublikası Maliyyə Nazirliyində 2022-ci ilin yekunlarına həsr olunmuş geniş tərkibdə kollegiya iclası keçirilib.

30 Yan 2023
Cəmiyyət

Azərbaycandakı dini konfessiyaların rəhbərləri Orxan Əsgərovun yas mərasimində iştirak ediblər

Azərbaycanda olan dini konfessiyaların rəhbərləri ölkəmizin İrandakı səfirliyinə edilən terror hücumu zamanı şəhid olan baş leytenant Orxan Əsgərovun yas mərasimində iştirak ediblər.

30 Yan 2023
Cəmiyyət

Sabah gün ərzində arabir yağış yağacaq

Yanvarın 31-nə gözlənilən hava proqnozu açıqlanıb.

30 Yan 2023
Cəmiyyət

Bu gün Azərbaycanda Gömrük İşçilərinin Peşə Bayramı Günüdür

Yanvarın 30-u Azərbaycanda Gömrük İşçilərinin Peşə Bayramı Günüdür.