“Azneft” İstehsalat Birliyinin N.Nərimanov adına neft və qazçıxarma idarəsinin 3 nömrəli neft yığım məntəqəsində baş vermiş qəza nəticəsində itkin düşən neftçilərin axtarış işləri zamanı hadisə baş verən ərazinin yaxınlığında suyun dibində yaşayış bloku tapılıb.
Bu barədə AZƏRTAC-a “Azneft” İstehsalat Birliyində yaradılan qərargahdan bildirilib.
Hadisə yerindən təqribən 180 metr cənub istiqamətində suyun dibində, bəzi parçaları qırıq vəziyyətdə olan itkin düşmüş neftçilərin yaşayış bloku aşkar edilib.
Dalğıclar onun içərisinə daxil olaraq müşahidə aparıblar. Hadisə zamanı itkin düşən neftçilərdən heç biri yaşayış blokunda yoxdur.
Axtarış işləri davam etdirilir.
Xatırladaq ki, dünən dənizin dibində aşkar edilmiş soyunub-geyinmə budkası sudan çıxarılıb.
Bakıda və Abşeron yarımadasında yanvarın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir.
Səhiyyə Nazirliyi Zəngilan rayonun Ağalı kəndində əhali üçün səyyar müayinələr keçirib.
