Qərargah: Axtarış-xilasetmə zonasının daha da genişləndirilməsi qərarı verildi

Qərargah: Axtarış-xilasetmə zonasının daha da genişləndirilməsi qərarı verildi
19 Dek 2016 14:43

Axtarış-xilasetmə zonasının daha da genişləndirilməsi barədə qərar qəbul edilib.

Bu barədə Axtarış-xilasetmə Qərargahından Trend-ə verilən məlumatda bildirilir.

“Azərbaycan Respublikası Dövlət Neft Şirkətinin “Azneft” İstehsalat Birliyinin Neft yığım məntəqəsində baş vermiş hadisə ilə əlaqədar bəzi tədbirlər haqqında” Azərbaycan Respublikasının Prezidentinin 16 dekabr 2016-cı il Sərəncamına əsasən Dövlət Dəniz Admnistrasiyasının Gəmilərin Hərəkətinin İdarəolunması Milli Mərkəzində Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Dəniz Administrasiyası, SOCAR və Azərbaycan Xəzər Dəniz Gəmiçiliyi QSC-nin aparıcı mütəxəssislərindən ibarət tərkibdə yaradılan Qərargah tərəfindən təsdiq edilən plana uyğun olaraq, müəyyən edilən sektorlar üzrə axtarış-xilasetmə əməliyyatları davam etdirilir.

Müdafiə Nazirliyi, Fövqəladə Hallar Nazirliyi, Dövlət Sərhəd Xidməti, SOCAR və Azərbaycan Xəzər Dəniz Gəmiçiliyi QSC-nə məxsus ümumilikdə 44 gəmi və üzən vasitə, 6 helikopter, habelə 700-dən artıq canlı qüvvə cəlb edilməklə intensiv davam etdirilən axtarış – xilasetmə əməliyyatları, uzunluğu 100 km və eni isə 72 km olan geniş ərazini əhatə etməkdədir.

Hazırda hadisənin baş verdiyi rayonda hava şəraiti, küləyin, sualtı və suüstü axıntıların istiqaməti və sürəti təhlil olunaraq, axtarış-xilasetmə zonasının daha da genişləndirilməsi barədə qərar qəbul edilib və bununla əlaqədar olaraq, adıçəkilən Qərargah tərəfindən xarici bayraq altında üzən gəmilər də daxil olmaqla ərazidə olan bütün gəmilərlə və Xəzəryanı dövlətlərin Gəmilərin Hərəkətinin İdarəolunması Milli Mərkəzləri ilə mütəmadi məlumat mübadiləsi aparılmaqdadır.

Eyni zamanda, sahilboyu ərazilərdə Fövqəladə Hallar Nazirliyi və Dövlət Sərhəd Xidmətinin canlı qüvvələri tərəfindən də axtarış tədbirləri həyata keçirilməkdədir.


29 Okt 2020
İqtisadiyyat

Azərbaycanda kredit kartları ilə aparılan əməliyyatların həcmi açıqlanıb

2020-ci ilin sentyabr ayında debet və kredit kartları ilə aparılan əməliyyatların həcmi açıqlanıb.

29 Okt 2020
İqtisadiyyat

Mərkəzi Bankın növbəti valyuta hərracı keçirilib

Mərkəzi Bankda Dövlət Neft Fondunun iştirakı ilə növbəti valyuta hərracı keçirilib.

29 Okt 2020
İqtisadiyyat

Azərbaycanın Gürcüstan iqtisadiyyatındakı payı açıqlanıb - FOTO

Azərbaycan Gürcüstanın ən çox məhsul ixrac etdiyi ikinci ölkədir.

29 Okt 2020
İqtisadiyyat

Neft bahalaşır

Dünya bazarında neftin qiymətində artım qeydə alınıb.

29 Okt 2020
İqtisadiyyat

Türkiyə ilə azad edilmiş rayonlarda birgə layihələrin həyata keçirilməsi müzakirə edilib

TİKA Azərbaycanın işğaldan azad olunmuş rayonlarında KOB sektorunun inkişafında maraqlıdır.