Azərbaycanın Litvadakı səfiri Həsən Məmmədzadə Litva Seyminin sədr müavini, Avropa işləri üzrə komitənin rəhbəri Qediminas Kirkilas ilə görüşüb.
Görüşdə Azərbaycan və Litva arasında ikitərəfli münasibətlər, parlamentlərarası əlaqələr, regional və beynəlxalq təşkilatlarda əməkdaşlıq məsələləri müzakirə olunub.
Q.Kirkilası Litva Seyminin üzvü, eləcə də Seymin sədr müavini seçilməsi münasibətilə təbrik edən diplomat Azərbaycan-Litva parlamentlərarası əlaqələrinin səviyyəsindən məmnunluğunu bildirib. O, 2016-cı ilin oktyabrında Litva Seyminə keçirilmiş seçkilərdən sonra Azərbaycan ilə parlamentlərarası əlaqələr üzrə yeni yaradılmış qrupun üzvlərinin sayının artırılaraq 66 nəfərə çatdırıldığını və bunun da Seymdə üzvlərinin sayına görə ən böyük qrup olduğunu vurğulayıb.
Ermənistan-Azərbaycan, Dağlıq Qarabağ münaqişəsi barədə danışan səfir Ermənistandan başqa bütün dünya ölkələrinin bu ərazilərin Azərbaycana məxsus olduğunu qəbul etdiyini deyib. İşğalçı ölkənin silahlı qüvvələrinin Azərbaycanın işğal edilmiş ərazilərindən dərhal çıxarılması ilə bağlı BMT Təhlükəsizlik Şurasının 4 qətnaməsinə və AŞPA-nın qətnamələrinə, xüsusilə də 2005-ci ildə qəbul edilmiş 1416 saylı qətnaməyə Ermənistan tərəfindən hələ də əməl edilmədiyini və Ermənistanda hakimiyyətdə olan rejimin nümayiş etdirdiyi qeyri-konstruktiv mövqe nəticəsində münaqişənin həllinin mümkün olmadığını qarşı tərəfin diqqətinə çatdırıb.
Seymin sədr müavini Litvanın rəsmi mövqeyini təkrarlayıb, ölkəsinin Azərbaycanın ərazi bütövlüyünü və suverenliyini dəstəklədiyini vurğulayıb, ikitərəfli və beynəlxalq təşkilatlar çərçivəsində əməkdaşlıq etməyə hazır olduğunu bildirib.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Ağdam Cümə məscidinin bərpadan sonra açılışında iştirak ediblər.
Azərbaycanda səfərdə olan Qırğızıstan Prezidenti Sadır Japarova Qarabağ atı hədiyyə edilib.
“Azərbaycanda 2019-cu ildən bu günə qədər özəl sektorda 385 mindən çox iş yeri yaradılıb”.
