Qax Dövlət Kukla Teatrının kollektivi bayram günlərində uşaqları maraqlı Yeni il proqramı ilə sevindirməkdə davam edir.
Yanvarın 1-də başlanan bayram şənliklərində indiyədək yüzlərlə tamaşaçı iştirak edib. Xüsusi proqram əsasında hazırlanmış tamaşanın əvvəlində Yeni ilin personajları Şaxta baba və Qar qız uşaqları bayram münasibətilə təbrik edir, onlarla birgə əylənir, rəqs edirlər.
Sonra uşaqlar Əhməd Orucun qələmə aldığı “Zınqırovlu pişik” əsəri əsasında səhnələşdirilmiş eyniadlı tamaşaya baxırlar. Rejissor Elşad Rəhimzadənin quruluş verdiyi tamaşada əsas rolları teatrın aktyorları Araz Mehrablı, Azər Kərimov, Afət Yaqubova, Aynurə Abbasova və başqaları ifa edirlər.
Teatrda bayram şənlikləri yanvarın 4-dək davam edəcək.
Ölkə ərazisində iyulun 25-də gözlənilən hava şəraiti açıqlanıb.
Dövlət İmtahan Mərkəzi II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə 7 iyul 2024-cü il tarixində keçirilmiş qəbul imtahanının nəticəsini elan edib.
Ölkə ərazisində iyulun 16-da gözlənilən hava şəraiti açıqlanıb.
