Qaragilə şirəsi ahılların beyin fəaliyyətini yaxşılaşdırır.
AZƏRTAC “healthvesti.com” saytına istinadla xəbər verir ki, Böyük Britaniyanın Ekseter Universitetinin yeni tədqiqatının müəllifləri bu qənaətə gəliblər.
Qaragilədə aşkar edilən kimyəvi maddələr qanın beyinə axıb gəlməsi sürətini artırır, beyini yüksək miqdarda oksigenlə təmin edir. Tədqiqatçılar bu fərqi hiss etmək üçün pensiyaçılara hər gün cəmi 30 milliqram qaragilə şirəsi içməyi tövsiyə edirlər. Əvvəlki sınaqlar göstərib ki, qida rasionu meyvə-tərəvəzlə bol olanda, koqnitiv pozulmaların yaranması ehtimalı azalır.
Qaragilənin tərkibində antioksidant və iltihab əleyhinə təsirli kimyəvi maddələrin miqdarı yüksəkdir. Bu giləmeyvənin beyinə təsirini yoxlamaq üçün mütəxəssislər 65-77 yaşlı 26 adam üzərində tədqiqat aparıblar. Birinci qrupa daxil olanlar hər gün 230 qram qaragiləyə ekvivalent olan qatılaşdırılmış qaragilə şirəsi içiblər, ikinci qrupa plasebo verilib. Beynin MRT müayinəsi göstərib ki, qaragilə şirəsi içən tədqiqat iştirakçılarının baş beyinlərində koqnitiv funksiyalara cavab verən nahiyələrin fəallıq səviyyəsi daha yüksəkdir.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
