Prezident İlham Əliyev: Bir çox məsələlərdə Azərbaycanın və Fransanın mövqeləri üst-üstə düşür

Prezident İlham Əliyev: Bir çox məsələlərdə Azərbaycanın və Fransanın mövqeləri üst-üstə düşür
15 2017 11:33

Aramızda inkişafda olan siyasi dialoq çox fəal mərhələyə qədəm qoyub. Biz bu gün də bu dialoqu davam etdiririk. Görürük ki, bir çox məsələlərlə bağlı bizim mövqeyimiz üst-üstə düşür. Əlbəttə ki, güclü siyasi əlaqələr bütün sahələrdə inkişafda olan əlaqələrə də müsbət təsir göstərir.

AZƏRTAC xəbər verir ki, Azərbaycan Prezidenti İlham Əliyev Fransa Prezidenti Fransua Ollandla mətbuata birgə bəyanatında bu barədə danışarkən Fransanın Minsk qrupunun həmsədri kimi Ermənistan-Azərbaycan, Dağlıq Qarabağ münaqişəsinin həlli yolunda göstərdiyi səyləri yüksək qiymətləndirib. Dövlətimizin başçısı Fransua Ollanda müraciətlə deyib: “Xüsusilə mən 2014-cü ilin sonlarında Sizin təşəbbüsünüzlə bu Yelisey sarayında Ermənistan prezidenti ilə keçirdiyim görüşü qeyd etmək istəyirəm. Çox konstruktiv və müsbət bir görüş idi. Əfsuslar olsun ki, bu görüşdən sonra danışıqlar prosesində müəyyən durğunluq müşahidə olundu”.

Azərbaycanın məsələnin beynəlxalq hüququn norma və prinsipləri əsasında tezliklə öz həllini tapmasını istədiyini diqqətə çatdıran Prezident İlham Əliyev qeyd edib ki, Ermənistan beynəlxalq birlik tərəfindən tanınan Azərbaycan torpaqlarını uzun illərdir ki, işğal edib. Dağlıq Qarabağı və onun ətrafında yerləşən yeddi bölgəni işğal altında saxlayır. O bölgələrdən bütün Azərbaycan əhalisi, yüz minlərlə insan qovulub. Orada bütün infrastruktur və binalar dağıdılıb. ATƏT-in faktaraşdırıcı missiyaları işğal edilmiş torpaqlara iki dəfə səfər edib və öz məruzələrində bunu ifadə ediblər. BMT Təhlükəsizlik Şurası münaqişə ilə bağlı dörd qətnamə qəbul edib. Bu qətnamələrdə açıq-aydın göstərilir ki, erməni qüvvələri işğal edilmiş torpaqlardan dərhal və qeyd-şərtsiz çıxarılmalıdır.

“Cənab Prezident Ollandın qeyd etdiyi kimi, status-kvo qəbuledilməzdir. Minsk qrupuna həmsədr olan ölkələrin prezidentləri - Fransa, Rusiya və Amerika prezidentləri bir neçə dəfə deyiblər ki, status-kvo qəbuledilməzdir. Biz də bunu deyirik və istəyirik ki, tezliklə status-kvo dəyişdirilsin və münaqişəyə son qoyulsun, bölgəmizdə sülh təmin edilsin və Azərbaycan köçkünləri öz doğma torpaqlarına qayıda bilsinlər”, - deyə Prezident İlham Əliyev vurğulayıb.


10 Apr 2021
Siyasət

İlham Əliyev Erkan Özoralın fəaliyyətini yüksək dəyərləndirdi

“Fəaliyyət müddətində siz Türkiyə-Azərbaycan qardaşlıq əlaqələrinin inkişafı üçün çox böyük işlər görmüsünüz, səylər göstərmisiniz və bu gün bu əlaqələr ən yüksək zirvədədir”.

10 Apr 2021
Siyasət

İlham Əliyev Türkiyənin Azərbaycandakı səfirini qəbul edib - YENİLƏNİB + FOTO/VİDEO

Azərbaycan Respublikasının Prezidenti İlham Əliyev aprelin 10-da Türkiyə Respublikasının ölkəmizdəki fövqəladə və səlahiyyətli səfiri Erkan Özoralı qəbul edib.

10 Apr 2021
Siyasət

Prezident İlham Əliyev Britaniya kraliçasına və baş nazirinə başsağlığı verib

Azərbaycan Respublikasının Prezidenti İlham Əliyev Böyük Britaniya və Şimali İrlandiyanın Kraliçası Ülyahəzrət II Elizabetə başsağlığı məktubu ünvanlayıb.

9 Apr 2021
Siyasət

BMT-nin mina təhlükəsizliyinə dair debatlarında Azərbaycan bəyanatla çıxış etdi

Aprelin 9-da Birləşmiş Millətlər Təşkilatının (BMT) Təhlükəsizlik Şurasında minaların zərərsizləşdirilməsi məsələlərinə həsr olunan debatlar keçirilib.

9 Apr 2021
Siyasət

Prezident Ailə Məcəlləsində dəyişiklikləri təsdiqlədi – Yeni qaydalar

Prezident İlham Əliyev Ailə Məcəlləsində dəyişiklik edilməsi haqqında Qanunu imzalayıb.