Polkovnik Abdulla Qurbani Silahlı Qüvvələrdən tərxis olundu

Polkovnik Abdulla Qurbani Silahlı Qüvvələrdən tərxis olundu
11 2017 09:13

Müdafiə Nazirliyinin Mənəvi-psixoloji hazırlıq və İctimaiyyətlə Əlaqələr idarəsinin rəis müavini, polkovnik Abdulla Qurbani Silahlı Qüvvələrdən istefaya çıxıb.

Bu barədə “AzeriDefence”yə açıqlamasında polkovnik A. Qurbani özü məlumat verib.

Abdulla Qurbaninin hərbi xidmətdən tərxis edilməsi barədə əmr dekabrın 15-də verilib.

“Dekabrın 13-də 60 illiyim oldu. Ondan öncə istefaya göndərilməyim barədə raportla rəhbərliyə müraciət etmişdim. Rəhbərlik də sağ olsun, raportuma baxaraq müvafiq əmr verdi”, – deyə Qurbani bildirib.

A.Qurbani qeyd edib ki, o, fəaliyyətini mülki həyatda da davam etdirəcək. Hazırda o, 2016-cı ilin aprel döyüşlərinə həsr olunmuş əsərlər üzərində işləyir. Bundan başqa, o, ölkədə vətənpərvərlik işinin qurulması, təbliği və genişləndirilməsi istiqamətində fəaliyyətini davam etdirəcək.

Polkovnik A. Qurbani namizədliyinin Azərbaycan Respublikası Müharibə, Əmək və Silahlı Qüvvələr Veteranları Təşkilatının sədrliyinə irəli sürülməsi barədə yayılan bəzi məlumatlara da münasibət bildirərək, belə bir məsələnin olmadığını deyib: “Mən 20 ildən çoxdur Veteranlar Təşkilatının prezidium üzvüyəm. Onlara tədbirlərin təşkilində kömək etmişəm və bundan sonra da əsirgəməyəcəm. O təşkilata rəhbərlik mənlik deyil. Mən vəzifə həvəsində olmamışam. Olsaydım, işimi atıb əsgər kimi Murovdağa səngərə getməzdim”.

“Mən orduda bir il, il yarım xidmət edən hər bir əsgəri “Vətənə xidmətə görə, “sağ ol!” devizi altında təntənə ilə yola salaraq belə bir ənənənin əsasını qoydum. İstərdim ki, orduda 5 il, 10 il, 20-30 il xidmət edənlərin də hamısı belə təntənə ilə yola salınsınlar”, – deyə A.Qurbani bildirib.


23 Fev 2022
Hərbi

Azərbaycan ordusuna komandoların qəbulu elan edilib

Əməliyyat (Komando) hərbi hissələrində müddətdən artıq həqiqi hərbi xidmətə könüllü daxil olmaq arzusunda olan vətəndaşların qəbuluna başlanılır.

23 Fev 2022
Hərbi

Zirehli texnika və tanklar təlimlərə qatıldı - VİDEO

2022-ci il döyüş hazırlığı planına uyğun olaraq, mexanikləşdirilmiş və tank bölmələrinin heyətləri ilə sürücülük və atəş hazırlığı üzrə praktiki çalışmalar yerinə yetirilib.

21 Fev 2022
Hərbi

Azərbaycan ordusu Ermənistana cəhənnəm yaşada bilər – TƏHLİL

Qabığı və içərisi çürük qoza bənzəyən Ermənistan 10 noyabr bəyanatının müddəalarının, əsasən də sənədin 4-cü bəndinin icrasını dalana dirəməyə çalışsa da, bu səylər hədər gedir.

18 Fev 2022
Hərbi

“Supernüvə” anonsu verildi: Rusiyanın yeni planı – TƏHLİL

Rusiyanın təlimatları ilə hərəkət edən Belarus Prezidenti Aleksandr Lukaşenko bu dəfə Qərbi nüvə silahları ilə təhdid edib.