Stokholm polisi yük maşınını insanların üzərinə sürməkdə şübhəli bilinən şəxsi saxlayıb.
AZƏRTAC xəbər verir ki, bu barədə TASS agentliyi Aftonbladet qəzetinə istinadla məlumat verib. Xəbərə əsasən, saxlanan şəxsin yüngül xəsarətlər aldığı məlum olub və o, hadisədə əli olduğunu etiraf edib. Qəzetin mənbələrinin bildirdiyinə görə, həmin şəxsin əlamətləri polisin açıqladı şəxsin əlamətləri ilə üst-üstə düşür. Lakin İsveç polisi hələ ki bu məlumatı təsdiq etməyib. Polis hadisəni terror aktı kimi araşdırır.
Xatırladaq ki, naməlum şəxs Stokholmda qaçırdığı yük avtomobilini insanların üzərinə sürüb. Nəticədə 4 nəfər həlak olub, 15 nəfər yaralanıb. Oxşar hadisə bir müddət əvvəl Almaniyanın Qeydelberq şəhərində, Londonda, ötən il isə Nitsada baş vermişdi.
Almaniya kansleri Fridrix Merts "X" sosial şəbəkəsində ölkəsinin hərbçilərinin Fransanın təşkil etdiyi nüvə çəkindirmə təlimlərində iştirak edəcəyini təsdiqləyib.
Böyük Britaniyada Endi Bernem Leyboristlər Partiyasının yeni lideri seçilib.
İspaniyanın Araqon muxtar icmasının Ores bələdiyyəsindəki meşə yanğını 12 min hektar sahəni əhatə edib.
