Polad Bülbüloğlu UNESCO-nun gələcəyi ilə bağlı açıqlama verib

Polad Bülbüloğlu UNESCO-nun gələcəyi ilə bağlı açıqlama verib
04 2017 13:40

“Azərbaycan hökumətinin UNESCO-nun baş katibi vəzifəsinə namizədliyimi irəli sürməsi mənim üçün həm gözlənilməz oldu, həm də qarşıma ölkəmizin humanitar əməkdaşlıq sahəsində müsbət təcrübəsinin qlobal səviyyədə yayılması öhdəliyini qoydu”.

realpress.az APA-ya istinadən xəbər verir ki, bu sözləri Azərbaycanın Rusiyadakı səfiri Polad Bülbüloğlu “Russkaya Qazeta”ya müsahibəsində deyib.

O bildirib ki, bu gün UNESCO dünya ictimaiyyəti kimi öz məqsədlərinə gedən yolda müəyyən çətinliklərlə üzləşir: “Maliyyə resurslarında ciddi çatışmazlıq var. UNESCO-nun fəaliyyətinin optimallaşdırılması üçün çox düşünülmüş, planlı şəkildə iş aparmaq lazımdır”.

Səfir qeyd edib ki, Azərbaycanda tarixi abidələrin qorunması işinə böyük önəm verilir və ölkənin 2 abidəsi UNESCO-nun siyahısına daxil edilib: “Biz qeyri-maddi mədəni irs siyahısının formalaşmasında da aktiv rol oynayırıq. Əgər ulu babalarımızdan bizə qalmış mirası qorumaq sahəsində baş verən prosesləri analiz etsək, Azərbaycanda iqtisadi inkişafın mədəniyyətin qorunması və inkişafındakı təsirini görə bilərik. Düşünürəm ki, bu faydalı təcrübə qlobal miqyasda da tələb oluna bilər”.

Prioritetlərə gəlincə, P. Bülbüloğlu bildirib ki, əsas məqsədi UNESCO-da siyasi mübarizəni minimuma endirməkdir: “Qarşıdurmalar üçün kifayət qədər formatlar var. UNESCO-nun məqsədi humanitar sahədə fəaliyyət göstərməklə sülhə nail olmaq, təşkilatın indiki böhranlı şəraitə uyğunlaşdırılmasıdır. Mən bu istiqamətdə fəaliyyət göstərməyə hazıram. Ümid edirəm ki, bütün tərəfdaşlarımızla birlikdə bu yolun sonunda qürur duyacağımız bir şey olacaq”.

Qeyd edək ki, UNESCO-nun yeni baş katibi bu ilin oktyabrında seçiləcək. Polad Bülbüloğlu ilə yanaşı, bu vəzifəyə daha 9 nəfərin namizədliyi irəli sürülüb.


5 Mar 2021
Dünya

Gürcüstanda Britaniya ştammına 30-dan çox yoluxma qeydə alınıb

Gürcüstanda koronavirusun Britaniya ştammına 31 yoluxma halı təsdiqlənib.

5 Mar 2021
Dünya

Pandemiyanın bitəcəyi tarix açıqlandı

Dünya pandemiyanın öhdəsindən 2022-ci ilin əvvəlində gələcək, lakin bu, koronavirusun yox olacağı demək deyil.

5 Mar 2021
Dünya

Əfqanıstanda qar uçqunu: Ölənlər var - VİDEO

Əfqanıstanın şimalındakı Bədəxşan vilayətindəki dağlıq ərazidə qar uçqunu baş verib.

5 Mar 2021
Dünya

Bir sutkada Gürcüstanda koronavirusdan 10 nəfər öldü

Gürcüstanda ötən sutkada koronavirusa 390 yeni yoluxma faktı qeydə alınıb, 10 nəfər vəfat edib.

5 Mar 2021
Dünya

Hulusi Akardan helikopter qəzası ilə bağlı AÇIQLAMA

Türkiyənin Milli Müdafiə Naziri Hulusi Akar Bitlis şəhərinin Tatvan rayonunda baş verən helikopter qəzası ilə bağlı açıqlama verib.