Pekində Ulu Öndərin xatirəsi anılıb

Pekində Ulu Öndərin xatirəsi anılıb
12 Dek 2016 09:48

Azərbaycan Respublikasının Çin Xalq Respublikasındakı səfirliyində ulu öndər Heydər Əliyevin vəfatının ildönümü ilə əlaqədar anım tədbiri keçirilib.

Çin ziyalılarının, bu ölkədə yaşayan azərbaycanlıların, tələbələrin iştirak etdikləri tədbirdə əvvəlcə Ümummilli Liderin xatirəsi bir dəqiqəlik sükutla yad edilib.

Səfirliyin müvəqqəti işlər vəkili Mətin Mirzə dahi şəxsiyyət, öz ölkəsinə və xalqına sadiq böyük vətənpərvər, Azərbaycanın müasir tarixində xüsusi yeri olan Heydər Əliyevin həyat və fəaliyyətindən danışıb.

Diplomat Ulu Öndərin həm sovet dövründə, həm də müstəqillik illərində Azərbaycana rəhbərlik etdiyi vaxtlarda, habelə keçmiş SSRİ Nazirlər Soveti sədrinin birinci müavini işlədiyi dövrdə xalqının, doğma respublikanın hərtərəfli inkişafı istiqamətində gördüyü işləri yada salaraq, Heydər Əliyevin bir rəhbər kimi bütün müsbət keyfiyyətləri özündə cəmləşdirən nadir şəxsiyyət olduğunu deyib.

Bildirilib ki, Ulu Öndərin qurub yaratdığı dövlət Prezident İlham Əliyevin rəhbərliyi ilə özünün yeni inkişaf dövrünü yaşayır. Ölkəmizin əldə etdiyi uğurlar beynəlxalq ictimaiyyət tərəfindən maraqla izlənilir.

Bir neçə dəfə Azərbaycana səfər etdiyini bildirən Çin Mincu Universitetinin professoru Xu Cenxua ölkəmizin müasir tarixi ilə bağlı apardığı araşdırmalardan söz açıb. O, belə bir qənaətini bildirib ki, müstəqilliyinin ilk illərində Heydər Əliyev kimi dahi bir lider olmasaydı, Azərbaycanın taleyinin necə olacağı bəlli olmazdı.

Pekin Xarici Dillər Universitetinin müəllimi, filologiya elmləri doktoru Aqşin Əliyev, səfirliyin birinci katibi Rövşən Hüseynzadə və başqaları Ulu Öndərin Azərbaycanın bir dövlət kimi yaşamasında, ölkənin müxtəlif sahələr üzrə inkişafında misilsiz xidmətlərindən danışıblar. Qeyd olunub ki, XX əsrin sonunda müstəqilliyini bərpa edən Azərbaycanın böyük çətinliklərlə qarşılaşmışdı. Belə bir vəziyyətdə xalqının köməyinə gələn Ulu Öndər Azərbaycanın müstəqilliyinin möhkəmlənməsini, demokratik, hüquqi, dünyəvi dövlət quruculuğunu, ölkəmizdə sabitliyin bərqərar olunmasını təmin etdi.

Sonra Ümummilli Liderə həsr olunan film nümayiş olunub.


21 Fev 2020
Siyasət

Romada Azərbaycan Prezidentinin şərəfinə dövlət ziyafəti verilib - FOTO

Fevralın 20-də Romadakı Kuirinale Sarayında İtaliya Respublikasının Prezidenti Sercio Mattarellanın adından Azərbaycan Respublikasının Prezidenti İlham Əliyevin şərəfinə dövlət ziyafəti verilib.

20 Fev 2020
Siyasət

MSK 11 məntəqənin nəticələrini ləğv etdi

Mərkəzi Seçki Komissiyasının bu gün keçirilən iclasında 125 saylı Zəngilan-Qubadlı seçki dairəsindən daxil olan müraciətə baxılıb.

20 Fev 2020
Siyasət

Azərbaycan və İtaliya prezidentlərinin geniş tərkibdə görüşü oldu - YENİLƏNİB + FOTO

Azərbaycan və İtaliya prezidentlərinin geniş tərkibdə görüşü oldu - YENİLƏNİB + FOTO

20 Fev 2020
Siyasət

Daha bir məntəqənin nəticələrinin üstündən xətt çəkildi

Daha bir məntəqənin nəticələrinin üstündən xətt çəkildi

20 Fev 2020
Siyasət

MSK-nın iclası keçirilir, müraciətlərə baxılır

Mərkəzi Seçki Komissiyasının (MSK) növbəti iclası başlayıb.