Azərbaycanın Özbəkistandakı səfirliyi və bu qurumun nəzdindəki Heydər Əliyev adına Azərbaycan Mədəniyyət Mərkəzinin təşəbbüsü ilə bu ölkənin ziyouz.uz, 1news.uz və sharh.uz portalları Dağlıq Qarabağda keçirilən “referendum”un qanuna zidd olması haqqında özbək dillində materiallar yayıb.
Məqalələrdə bildirilir ki, Azərbaycan Prezidenti İlham Əliyev Münxendə BMT-nin baş katibi Antonio Quterreş ilə görüşündə “Qondarma “Dağlıq Qarabağ respublikası”nın “konstitusiyasına dəyişikliklər edilməsi ilə bağlı referendum”un qeyri-qanuni olduğunu, bir sıra təşkilatların bu məsələyə etiraz etdiyini deyib. Qeyd olunur ki, bu, Ermənistan tərəfinin münaqişənin həllində maraqlı olmadığını bir daha sübut edir”.
Bildirilir ki, Dağlıq Qarabağ Azərbaycan torpağıdır və bu torpaqlar geri qaytarılmalıdır, burada qondarma “referendum” keçirmək isə gülüncdür.
Yazılarda vurğulanır ki, BMT Təhlükəsizlik Şurası Azərbaycan torpaqlarının qeyd-şərtsiz qaytarılması ilə bağlı dörd qətnamə qəbul edib və bu sənədlərdə Ermənistanın işğal etdiyi torpaqlardan çıxmalı olduğu açıq-aydın yazılıb.
Materiallarda Ermənistan-Azərbaycan, Dağlıq Qarabağ münaqişəsinin tarixi haqqında da danışılır. Qeyd olunur ki, Dağlıq Qarabağ və ona bitişik yeddi rayon Ermənistan silahlı qüvvələrinin nəzarətindədir. Ermənistan isə hələ də bu torpaqları azad etmək haqqında düşünmür.
“Martın 18-də Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Arzu Əliyeva Tərtər rayonunun 2020-ci il oktyabrın 3-də işğaldan azad olunmuş Talış kəndində görülən yenidənqurma işləri ilə tanış olublar.
Azərbaycan Respublikasının Birinci vitse-prezidenti Mehriban Əliyeva Ramazan ayının başlanması münasibətilə Azərbaycan xalqını təbrik edib.
Misir Ərəb Respublikasının Prezidenti Əbdülfəttah Əs-Sisi martın 23-də Azərbaycan Respublikasının Prezidenti İlham Əliyevə zəng edib.
