Ötən il istirahət üçün Qax rayonunu seçən turistlərin sayı əvvəlki illə müqayisədə 5 min nəfərə yaxın artaraq, 29 min nəfər olub. Gələnlərin 26 min 300 nəfərini yerli, 2 min 700 nəfərini isə xarici turistlər təşkil edib.
Bu barədə AZƏRTAC-a Şəki Regional Mədəniyyət və Turizm İdarəsinin Qax rayonu üzrə məsul nümayəndəsi Dilarə Əzizova məlumat verib.
Rayonun mülayim və saf dağ iqlimi, şəfaverici zəngin mineral bulaqları, əsrarəngiz təbiəti, şəlalələri, düzənlik və dağ meşələri, çayları, həmçinin qədim tarixi abidələri getdikcə daha çox turistin diqqətini özünə cəlb edir. Turist axınını sürətləndirən digər bir amil isə rayonda ilboyu fəaliyyət göstərən istirahət və turizm mərkəzlərinin, həmçinin müasir tələblərə cavab verən infrastrukturun mövcud olmasıdır.
Hazırda Qax rayonunda 12 turizm obyekti fəaliyyət göstərir. Bu obyektlərdə yerlərin sayı 900-ə çatır. Turizm obyektlərində qiymətlər səhər yeməyi də daxil olmaqla, bir nəfər üçün 17-55 manat arasında dəyişir.
Rayonda əsasən kənd yaşıl, müalicə, istirahət və qış turizm növləri daha geniş yayılıb. Kənd yaşıl turizmindən daha çox yerli turistlər istifadə edirlər. Son illər turizmin bu növündən istifadə edənlərin sayı xeyli artıb. Xüsusilə yay aylarında ailəvi istirahətə gələnlər kənd evlərində qalmağa, təbiətə daha yaxın olmağa üstünlük verirlər. Turizmin bu növünün inkişafı, həm də yüzlərlə kənd ailəsinin güzəranının yaxşılaşmasına səbəb olur.
“Azərbaycan Respublikasının vahid büdcə təsnifatının təsdiq edilməsi barədə” qərara dəyişiklik edilib.
Azərbaycan Milli Elmlər Akademiyasının Rəyasət Heyətinin iclasında bir müddət əvvəl tutduğu vəzifədən azad edilmiş Torpaqşünaslıq və Aqrokimya İnstitutunun direktoru Əlövsət Quliyev vəzifəsinə bərpa olunub. Bu barədə Əlövsət Quliyev öz sosial şəbəkə hesabında məlumat verib:
Son günlər sosial şəbəkələrdə özünü Yeni Azərbaycan Partiyasının (YAP) üzvü kimi təqdim edən Xəlilov Elvar Mirzəələkbər oğlunun Cəmil Həsənliyə görə partiyadan istefa verməsi barədə spekulyativ məlumatlar yayılmaqdadır.
