Ötən il Azərbaycanda dərmanların keyfiyyətinə nəzarət məqsədilə aparılmış növbədənkənar yoxlamalar nəticəsində 81 adda (85 seriyada) 205 qutu dərman vasitəsi satışdan çıxarılıb.
APA-nın xəbərinə görə, Nazirlər Kabinetinin 2016-cı il üzrə hesabatında qeyd olunub ki, bundan əlavə, 28 mindən çox dərman vasitəsinin analizi aparılıb, bunlardan 8-i standartların tələblərinə cavab verməyib. İl ərzində 455 dərman vasitəsi dövlət qeydiyyatına alınıb, 890 dərman vasitəsi qeydiyyat və yenidən qeydiyyat proseduruna qəbul olunub.
Keyfiyyətsiz, saxta dərmanların ölkəyə gətirilməsinin qarşısının alınması sahəsində fəaliyyətin gücləndirilməsi məqsədilə Ümumdünya Səhiyyə Təşkilatının və Beynəlxalq Əczaçılıq Federasiyasının müvafiq tövsiyələrini rəhbər tutaraq “Etibarlı İstehsalat Təcrübəsi” (GMP), “Etibarlı Aptek Təcrübəsi” (GPP), “Etibarlı Distribyutor Təcrübəsi” (GDP) və “Etibarlı Saxlama Təcrübəsi” (GSP) milli standartlarının layihələri hazırlanıb.
Vətəndaş və sahibkarların müraciətlərinə baxılmasının sadələşdirilməsi və şəffaflığın təmin edilməsi məqsədilə əczaçılıq sahəsinə aid “bir pəncərə” xidməti təşkil edilib.
Dərmanların əsassız qiymət artımının qarşısını almaq üçün Tarif Şurası tərəfindən 10 mindən çox dərman vasitəsinin qiyməti tənzimlənib.
Bu ilin yanvarın 28-də Kəlbəcərdə həlak olan Fəthulla Siracovun atası Qasım Siracov oğluna şəhidlik statusu verilməməsindən narazıdır.
Müdafiə Nazirliyi Ağdamın İsmayılbəyli kəndindən görüntülər paylaşıb.
2021-2022-ci il payız-qış mövsümünə hazırlıq işləri davam etdirilir.
