Ötən ay Naxçıvanda səhiyyə xidmətinin əhatə dairəsi daha da genişlənib

Ötən ay Naxçıvanda səhiyyə xidmətinin əhatə dairəsi daha da genişlənib
03 2017 08:48

Naxçıvan Muxtar Respublikası Səhiyyə Nazirliyi əhalinin sağlamlığının qorunması və tibbi xidmətin səviyyəsinin yüksəldilməsi istiqamətində fəaliyyətini fevral ayında da davam etdirib. İxtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması diqqət mərkəzində saxlanılıb.

Naxçıvan Muxtar Respublikası Səhiyyə Nazirliyinin mətbuat xidmətindən AZƏRTAC-a bildirilib ki, muxtar respublikada aparılan genişmiqyaslı quruculuq işləri çərçivəsində fevral ayında Şərur rayon Arpaçay və Çəmənli kəndlərində feldşer-mama məntəqələri əhalinin istifadəsinə verilib.

Azərbaycan Respublikası Səhiyyə Nazirliyi İnnovasiya və Təchizat Mərkəzindən dializ olunan xroniki böyrək çatışmazlığı olan xəstələr üçün dializ materialları və dərman preparatları, Elmi-Tədqiqat Ağciyər Xəstəlikləri İnstitutundan Naxçıvan Muxtar Respublikası Ağciyər Xəstəlikləri Dispanserinə ilkin vərəm intoksikasiyasını təyin etmək üçün testlər, tibbi materiallar, Azərbaycan Respublikası Milli Onkologiya Mərkəzindən Naxçıvan Muxtar Respublikası Onkoloji Mərkəzinə kimyəvi terapiya aparmaq üçün dərman preparatları gətirilib.

Muxtar respublika ərazisində yoluxucu xəstəliklərə görə epidemioloji vəziyyət sabit olub, xüsusi təhlükəli infeksiyalar qeydə alınmayıb. Muxtar respublika ərazisindəki idman müəssisələrində 7 min 100 kvadratmetr sahədə dezinfeksiya və dezinseksiya tədbirləri aparılıb.

Muxtar respublikanın səhiyyə sistemində kadrların bilik və bacarığının artırılması vacib məsələ kimi diqqət mərkəzində saxlanılıb. 4 həkim təcrübə keçmək üçün Bakı şəhərindəki tibb müəssisələrinə, 19 tibb bacısı Tibb Kollecində təkmilləşdirmə kursuna göndərilib.

Fevral ayında sertifikasiya imtahanında iştirak edən 72 orta tibb işçisindən 40 nəfəri uğurlu nəticə qazanıb.

Naxçıvan Muxtar Respublikası Səhiyyə Nazirliyi fevral ayı ərzində 3 nəfəri Bakı şəhər Şağan qəsəbəsində yerləşən Əlillərin Müalicə Pansionatına, 16 nəfəri Mərdəkan qəsəbəsində yerləşən Müharibə və Əmək Veteranları Pansionatına, 21 nəfəri müxtəlif xəstəxanalara müalicəyə göndərib.


3 Fev 2023
Cəmiyyət

XİN başçısı Laçın yolundakı durum barədə Macarıstanın xarici işlər və ticarət nazirini məlumatlandırıb

Azərbaycanın xarici işlər naziri Ceyhun Bayramov post-münaqişə dövründə regionda mövcud vəziyyət, sülh gündəliyinin irəli aparılması istiqamətində Azərbaycan tərəfindən atılan addımlar, Ermənistanın bu prosesə xələl gətirən hərbi-siyasi təxribatları barədə Macarıstanın xarici işlər və ticarət naziri Peter Siyarto məlumatlandırıb.

3 Fev 2023
Cəmiyyət

Bakıda 4 marşrutun hərəkət sxemi müvəqqəti dəyişdiriləcək

Fevralın 5-də saat 09:00-dan 16:00-dək Bakıda, Heydər Əliyev prospektinin kənar yolunda, tuneldə (Bağırov körpüsünün alt hissəsi, şəhər mərkəzi istiqamətində) aparılacaq təmir işləri ilə əlaqədar 4 marşrutun hərəkətinə müvəqqəti məhdudiyyət tətbiq ediləcək.

3 Fev 2023
Cəmiyyət

DİM builki buraxılış imtahanlarından 683 şagirdi azad edib - SİYAHI

Dövlət İmtahan Mərkəzi (DİM) buraxılış imtahanlarından azad edilmiş şagirdlərin siyahısını açıqlayıb.

3 Fev 2023
Cəmiyyət

Mikayıl Cabbarov Kadri Simson ilə görüşüb - FOTO

İqtisadiyyat naziri Mikayıl Cabbarov Avropa İttifaqının enerji məsələləri üzrə komissarı xanım Kadri Simson ilə görüşüb.

3 Fev 2023
Cəmiyyət

Şənbə gününün hava proqnozu açıqlanıb

Bakıda və Abşeron yarımadasında fevralın 4-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.