Onlayn aviabilet almaq – turizm agentliyinə əlavə pul vermədən, öz səyahətini sürətlə və problemsiz şəkildə təşkil etmək deməkdir. Turistdən tələb olunan yeganə şey – bir qədər diqqətli olmaq və bir az hazırlıqdır. Aviabiletləri onlayn alarkən, mütləq riayət olunmalı bir sıra qaydalar mövcuddur.
Viza
Aviabilet almazdan əvvəl, gedəcəyiniz ölkə üçün sizə viza lazım olub-olmadığını dəqiqləşdirin. Əgər viza lazımdırsa, onu aviabileti almazdan əvvəl açdırın
Uçuşun tarifi
Aviabileti almaq istədiyiniz tarifin xüsusiyyətlərini diqqətlə öyrənin. Bu informasiya aviabileti hansı hallarda və hansı şərtlərdə qaytara biləcəyinizi, baqajın dəyərinin aviabiletə daxil edilib-edilmədiyini, göyərtədə hansı xidmətlərin ödənişsiz təqdim ediləcəyi öyrənməyə imkan verəcəkdir.
Sərnişin haqqında məlumatlar
Aviabiletlərin bron edilməsi və satın alınması zamanı pasport məlumatlarını diqqətlə daxil edin. Hərdən pasport məlumatlarında və ya səyahət tarixində yol verilən səhvlərə görə aviaşirkətlər sərnişinlərə cərimə tətbiq edirlər. Bilet üçün onlayn ödəniş etməzdən əvvəl bütün informasiyanı, eləcə də gediş və gəliş uçuş tarixlərini diqqətlə yoxlayın.
Baqajın çəkisi
Sizin tərəfinizdən seçilmiş aviaşirkətin baqajın aparılması üçün hansı normaları müəyyən etdiyini, eləcə də əl yükü çəkisinin nə qədər təşkil edəcəyini və salona neçə çanta götürməyə icazə verildiyini öyrənin.
Aviabiletin dəyəri
Aviabileti nə qədər tez alsanız, onun qiyməti bir o qədər ucuz olacaqdır. Biletlər səfərə bir və ya iki ay qalmış onlayn almaq ən optimal variantdır. Məhz bu dövrdə aviaşirkətlər qiymətləri ən aşağı səviyyəyə qədər azaldırlar.
İndoneziya aprel ayında bütün karantin tələblərini ləğv etmək niyyətindədir.
Yunanıstanda istirahətlə bağlı çəkilən yeni reklam sosial şəbəkə istifadəçilərini xeyli təəccübləndirib. Rolik Yunanıstanın milli turizm təşkilatı “Visit Greece” tərəfindən hazırlanıb.
Avstraliya koronavirus səbəbiylə iki ilə yaxındır bağlı saxladığı qapıları peyvənd olunmuş səyahətçilərin üzünə tamamilə açıb.
