Azərbaycan Tibb Universitetinin (ATU) Tədris Terapevtik Klinikasında Tibbi Şuranın hesabat iclası keçirilib.
ATU-nun mətbuat xidmətindən AZƏRTAC-a bildiriblər ki, tədbirdə klinikanın müalicə işləri üzrə direktor müavini Adil Nuriyev şöbələrin ümumi fəaliyyəti barədə məlumat verib. Bildirilib ki, klinikada yanvar ayı ilə müqayisədə fevralda xəstə qəbulunda artım müşahidə edilib. Daha çox xəstə II və III pediatriya, hematologiya, ümumi terapiya şöbələrinə daxil olub. Gündüz stasionarında isə daha çox xəstə angioqrafiya, hematologiya, qastreontorologiya, II pediatriyaya şöbələrinə müraciət edib.
Pediatr-allerqoloq, professor Amaliya Eyyubova 2011-2016-cı illər arasında II pediatriya şöbəsinə daxil olan uşaqların sayında daima artım olduğunu deyib ki, bunların arasında oğlanlar çoxluq təşkil edir. Şöbədəki “Astma” və “Diabet” məktəbinin fəaliyyətindən danışan A.Eyyubova, burada həm valideynlərin, həm də uşaqların xüsusi proqramla hazırlanmış tədris prosesində iştirak edə biləcəklərini deyib.
Professor qeyd edib ki, bu gün uşaqlar arasında şəkərli diabet daha geniş yayılmış xəstəliklər sırasındadır. Şöbənin immun sisteminin çatışmazlığı məsələləri ilə də məşğul olduğunu deyən, A.Eyyubova daha çox qəbul edilən uşaqların 8-10 yaş arasında olduqlarını bildirib.
İclasda pulmonologiya, allerqologiya və nefrologiya şöbəsinin 2016-cı il üçün hesabatı dinlənilib. Şöbənin müdiri Kəmalə Ağayeva bildirib ki, 2013-2016-cı illəri müqayisə etdikdə xəstə qəbulunda ən yüksək göstərici 2014-cü ildə müşahidə edilib. K.Ağayeva 2016-cı ildə pulmonoloji xəstələrin daha çox qəbul edildiyini qeyd edib.
Sığorta şöbəsinin mütəxəssisi Cəmilə Butayeva tibbi sığortanın vacibliyini qeyd edib. Bildirilib ki, bir sıra xarici ölkələrlə müqayisədə ölkəmizdə ağır profilli xəstələr daha çox tibbi sığortaya cəlb edilir.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
