Donald Tramp, Barak Obama tərəfindən tətbiq edilən və Obamacare adını alan hazırki tibbi sığorta sistemini əvəzləmək üçün demokratların dəstəyinə nail olmaq niyyətindədir.
Oxu.Az TASS-a istinadən xəbər verir ki, bu barədə Fox News-a verdiyi müsahibədə Ağ evin əməkdaşları aparatının rəhbəri Rayns Pribes bəyan edib.
Trampın bu yaxınlarda Obamacare-i əvəzləmək cəhdinin boşa çıxmasını şərh edərkən o, qeyd edib ki, respublikaçıların demokratlar tərəfindən dəstəyi yox idi. Amma administrasiya öz niyyətindən əl çəkmək istəmir.
Pribes həmçinin Konqressin bəzi üzvlərinin qanun layihəsini dəstəkləmədiklərini və Trampı məyus etdiklərini bildirib.
Şimali Karolina ştatından olan konqresmen, respublikaçı Mark Medouz öz növbəsində əmindir ki, hazırki tibbi sığorta sistemi nəticədə ləğv ediləcək. BBC müsahibəsində o, bəyan edib ki, əgər demokratlar və respublikaçılar birləşsələr Obamacare ləğv ediləcək.
Kuba Prezidenti Migel Dias-Kanel Bermudes Rusiyada səfərdədir.
“Moskva Qərb ölkələri ilə dialoqdan imtina etmir”.
Rusiyada 2024-cü ilin martında dövlət başçısı seçilən Vladimir Putin beşinci dəfə Rusiya prezidenti oldu.