Neft hasilatının azaldılmasının monitorinqi üzrə nazirlər səviyyəsində görüş martın 27-də keçiriləcək

Neft hasilatının azaldılmasının monitorinqi üzrə nazirlər səviyyəsində görüş martın 27-də keçiriləcək
14 2017 15:12

Venesuela Neft Nazirliyinin verdiyi məlumata görə, neft hasil edən ölkələrdə hasilatın azaldılmasının monitorinqi üzrə nazirlər səviyyəsində görüş martın 27-də keçiriləcək.

Nazirliyin twitter şəbəkəsindəki mikrobloqunda dərc edilmiş məlumatda deyilir: “Martın 27-də OPEK üzvü olan ölkələrin və bu kartelə daxil olmayan ölkələrin hasilat barədə razılaşmasının monitorinqi üzrə Nazirlər Komitəsinin görüşü keçiriləcək”.

Xatırladaq ki, OPEK-in 2016-cı il noyabrın 30-da Vyanada keçirilmiş iclasında bu ölkələrdə hasilatın oktyabr ayında qeydə alınmış səviyyəsinə nisbətən gündə 1,2 milyon barrel azaldılaraq gündə 32,5 milyon barrelə endirilməsi barədə razılıq əldə edilib. 2016-cı il dekabrın 10-da isə OPEK-ə daxil olmayan 11 ölkənin Vyana görüşündə bu ölkələrdə hasilatın üst-üstə gündə 558 min barrel, o cümlədən Azərbaycanda gündəlik hasilatın 35 min barrel azaldılmasına dair saziş bağlanıb. Saziş bu ilin birinci yarısı üçün bağlanıb və onun müddətinin artırıla bilməsi nəzərdə tutulub.

Sazişin yerinə yetirilməsinə nəzarət üçün Monitorinq Komitəsi yaradılıb. Həmin komitəyə OPEK üzvü olan 3 ölkə (Venesuela, Küveyt və Əlcəzair), bu təşkilata daxil olmayan 2 ölkə (Rusiya və Oman), habelə Səudiyyə Ərəbistanın nümayəndəsi daxildir.

Monitorinq Komitəsinin ilk görüşü yanvarın 21-22-də Vyanada keçirilib.

 


28 Sent 2020
İqtisadiyyat

Sentyabrın 28-də xarici valyutaların manata qarşı məzənnələri

Azərbaycan Mərkəzi Bankı 28 sentyabr tarixindən etibarən valyuta məzənnələrini açıqlayıb.

28 Sent 2020
İqtisadiyyat

Neftin qiyməti düşdü

“Brent” markalı neftin bir bareli 42,11 dollara düşüb.

25 Sent 2020
İqtisadiyyat

Neftin qiyməti bahalaşır

Dünya birjalarında neft qiymətləri bahalaşıb.

25 Sent 2020
İqtisadiyyat

Sentyabrın 25-də xarici valyutaların manata qarşı məzənnələri

Azərbaycan Mərkəzi Bankı 25 sentyabr tarixindən etibarən valyuta məzənnələrini açıqlayıb.