Gənclər daha çox impulsiv və riskə meyilli olsalar da, illər keçdikcə onlarda bu xüsusiyyət yoxa çıxır. London Universitet Kolleci alimlərinin fikrincə, bu, insan yaşa dolduqca beyində dopamin adlı kimyəvi maddənin miqdarının təbii olaraq azalması ilə əlaqədardır.
AZƏRTAC “healthvesti.com” saytına istinadla xəbər verir ki, sınaq zamanı 20 mindən çox adam xüsusi hazırlanmış oyun oynayıb. Tədqiqatçılar aşkar ediblər ki, bütün yaşlarda oyunçular xal itirməmək üçün riskli avantüraya əl atıblar. Lakin 18-24 yaş arasında oyunçular xal udmaq məqsədilə 60-69 yaşlı oyunçulardan daha çox risk ediblər.
Alimlər xəbərdarlıq edirlər ki, dopaminin azalması insanı ehtiyatlı davranmağa gətirib çıxardığı halda, onun artması əks-təsir göstərə bilər. Məsələn, dopaminin çoxluğu impuls nəzarətinin pozulmasına səbəb olar, o cümlədən qumar oyunlarına maraq oyadar, qarınqululuğa və kompulsiv seksual davranışa gətirib çıxara bilər.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
