Nazirlik: Bakını yenidən su basa bilər

Nazirlik: Bakını yenidən su basa bilər
05 Dek 2016 11:21

Yağıntıların təsirindən qış və yaz aylarında subasma, sürüşmə, çökmə hadisələrinin dinamikasında aktivlik ola bilər.
Bunu Trend-ə Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planlama Ekspedisiyasının dəstə rəisi Rafiq Həsənov deyib.
Noyabr ayında Bakı və Abşeron yarımadasında sürüşmə ərazilərində ciddi aktivliyin müşahidə edilmədiyini deyən nazirlik rəsmisinin sözlərinə görə, son aylarda yağışlarla əlaqədar Bakının Binəqədi rayonu ərazisində, Sabunçu rayonunun Maştağa qəsəbəsində daş karxanası adlanan ərazidə, Savalan qəsəbəsində, Yeni Ramana qəsəbəsindəki “Şuşa şəhərciyi”ndə subasma hadisələri müşahidə edilib: 
“Ərazilərdəki subasmaların dinamikasında aktivlik yoxdur, amma sular hələ də qalıb, ərazilərdən təmiz çəkilib getməyib”.
R.Həsənov qeyd edib ki, ötən ay Abşeron rayonunun Masazır qəsəbəsində Mirzə İbrahimov küçəsi boyunca yeni subasma hadisəsi baş verib. M.İbrahimov küçəsində uçqun prosesinin də baş verdiyini deyən nazirlik rəsmisi qeyd edib ki, küçə relyefin çökək hissəsindədir: 
“Küçədə qrunt sularının səviyyəsi Yer səthinə yaxındır və ora qurudulmuş gölün ərazisində yerləşir. Göl qurudulduqdan sonra əhali orada məskunlaşıb. Əhali isə məskunlaşma yerini seçərkən bu kimi bir çox amillərə diqqət yetirməlidir. Çünki dik yamaclarda, çökək ərazilərdə evlər tikirlər və sonra da belə problemlər yaranır. 
İntensiv yağışlar yağdıqda bu ərazidə qrunt sularının səviyyəsi qalxır və atmosfer yağıntıları yamac boyu axaraq ərazidə subasmanın yaranmasına səbəb olur. Hazırda orada vəziyyət nisbətən yaxşıdır, su çəkilib. Amma yağışların təsirindən Mirzə İbrahimov küçəsi boyunca ərazilərdə yenidən subasma gözlənilir”.

27 May 2024
Cəmiyyət

Türkdilli dövlətlərin nazirlərinin elm və təhsil sahəsində növbəti iclasları Şuşada keçiriləcək

Şuşa şəhərində iyunun 1-də Türk Dövlətləri Təşkilatı Təhsil Nazirlərinin VIII İclası və Türk Akademiyasının Elmi Şurasının VII İclası keçiriləcək.

27 May 2024
Cəmiyyət

"Xocalı" gəmisi istismara verildi

“Azərbaycan Xəzər Dəniz Gəmiçiliyi” QSC-nin (ASCO) donanmasına “Handysize” ölçü tipli ilk gəmi qəbul edilib. Bununla da, ASCO quru yüklərin daşınmasında yeni seqmentə daxil olub. Prezident İlham Əliyevin tapşırığına əsasən, gəmiyə tarixi torpağımız Xocalının adı verilib.

27 May 2024
Cəmiyyət

Qubadlıda sərhədçilər üçün yeni yaşayış binaları istifadəyə verildi

Mayın 25-də Sərhəd Qoşunlarının "Qubadlı" əlahiddə sərhəd diviziyasında 2 yaşayış binası əsaslı təmirdən sonra istifadəyə verilib.

27 May 2024
Cəmiyyət

Şagird yerdəyişməsi müvəqqəti dayandırılır

İyunun 3-ü saat 17:00-da 2023-2024-cü tədris ili üzrə şagirdlərin elektron yerdəyişməsi (www.sy.edu.az) portalı vasitəsilə sorğuların qəbulu müvəqqəti olaraq dayandırılacaq.

27 May 2024
Cəmiyyət

Bayram gününün hava proqnozu AÇIQLANDI

Ölkə ərazisində mayın 28-nə gözlənilən hava proqnozu açıqlanıb.