Türkiyənin ədliyyə naziri Bəkir Bozdağ 15 iyul dövlət çevrilişi cəhdinin təşkilatçılarından biri olan Adil Öksüzün Türkiyədə gizlədildiyini düşünür.
Qeyd edək ki, Türkiyənin güc qüvvələri 15 iyul dövlət çevrilişinə cəhdin ehtimal edilən təşkilatçılarından biri olan A.Öksüzün mobil telefonuna ABŞ-ın İstanbuldakı Baş konsulluğundan zəng edildiyini müəyyənləşdiriblər. Belə ki, iyulun 21-də A.Öksüzə edilən həmin zəng ABŞ diplomatik missiyasında qeydiyyatdan keçən nömrədən gəlib.
Trend-in məlumatına görə, məsələ ilə bağlı ABŞ səfirliyinin açıqlamasına münasibət bildirən B.Bozdağ deyib:
"Əgər ABŞ tərəfi Türkiyə ilə səmimi əməkdaşlıq etmək istəyirsə, yüzlərlə FETÖ üzvünün Birləşmiş Ştatlarda yaşamasına niyə icazə verir? Hazırda terrorçu Gülən Pensilvaniyada fəaliyyətini davam etdirir".
Nazir "Halkbank"ın baş direktor müavini Mehmet Hakan Atillanın ABŞ-da saxlanmasını isə tamamilə siyasi bir əməliyyat adlandırıb.
Xatırladaq ki, ötən ilin noyabrında Ankara prokurorluğu Türkiyədə dövlət çevrilişinə cəhdin iki əlaqələndiricisi - A.Öksüz və Kamal Batmazın 2016-cı ildə 4 dəfə ABŞ-da olduğunu bildirib.
Sakarya Universitetinin əməkdaşı olmuş A.Öksüz çevriliş cəhdindən dərhal sonra saxlanılmış, lakin sonra sərbəst buraxılmışdı. Hazırda axtarışa verilib.
Kanada Ukraynaya CRV-7 raket mühərriklərinin böyük partiyasını və 1300 ədəd raket başlığı verəcək.
İtaliyanın "The European House - Ambrosetti" beyin mərkəzi tərəfindən təşkil olunan "Rəqabətli strategiyalar üçün bu günün və sabahın ssenarisi" mövzusunda 50-ci yubiley Beynəlxalq Çernobbio Forumu (TEHA Forumu) işə başlayıb.
İsrail Hərbi Hava Qüvvələri "Hizbullah" hərəkatına məxsus silah anbarına zərbələr endirib.
