Naxçıvan şəhərindəki “Gənclik” Mərkəzində ingilis dilində nakhchivantoday.com saytının təqdimatı olub.
AZƏRTAC xəbər verir ki, tədbirdə saytın yaradıcı heyətindən Emil Səmədov çıxış edərək nakhchivantoday.com saytının bir aydır fəaliyyət göstərdiyini bildirib. Bu müddət ərzində saytın dizaynı, tərtibatı, məlumatların yerləşdirilməsi və digər təkmilləşdirmə işləri aparılıb. Saytda “Xəbərlər”, “Videoarxiv”, “Mədəniyyət”, “İdman”, “Turizm”, “Dahi”, “Naxçıvan bu gün”, “Qan yaddaşı” bölmələri yaradılıb. Naxçıvanla bağlı xarici vətəndaşları maraqlandıran aktual mövzular üçün “Köşə yazıları” bölməsi də var. Emil Səmədov qeyd edib ki, istifadəçilər sayt vasitəsilə tariximiz, muxtar respublikanın turizm potensialı, ümumilikdə, ölkəmizin ictimai-siyasi, mədəni həyatında baş verən yeniliklər barədə geniş məlumat alacaqlar. Həmçinin saytın android istifadəçiləri üçün mobil proqramı və sosial şəbəkələrdə səhifələri də mövcuddur.
Sonra saytın təqdimatı ilə bağlı slayd nümayiş olunub, Naxçıvanda təhsil alan xarici tələbələrin muxtar respublika ilə bağlı fikirləri tədbir iştirakçılarına təqdim edilib.
Naxçıvan Turizm və İnformasiya Mərkəzinin direktoru Gülnarə Sadiqova, AMEA Naxçıvan Bölməsinin elmi işçisi Elxan Məmmədov və “Oğuz səsi” qəzetinin redaktoru Şəhla Nəbiyeva çıxışlarında qeyd ediblər ki, müasir texnologiya əsrinin ən əsas xüsusiyyətlərindən biri də insanlara məlumatların qısa vaxt ərzində dolğun və operativ şəkildə çatdırılmasıdır. Bu tələblər əsasında qurulan nakhchivantoday.com saytı gəncləri öz ətrafında birləşdirməklə onların yaradıcılıq potensialını üzə çıxaracaq, Naxçıvan reallıqlarını, muxtar respublikanın mədəni və turizm imkanlarını təbliğ edəcək.
Daha sonra saytın ərsəyə gəlməsində iştirak edən gənclər səhnəyə dəvət olunublar. Onlar çıxış edərək bildiriblər ki, saytın yaradılmasında əsas məqsəd Naxçıvanı dünyaya tanıtmaq, xarici vətəndaşlara muxtar respublikanın turizm potensialı barədə geniş məlumat verməkdən ibarətdir.
Bakının Nərimanov rayonunda yerləşən “Metro-City” ticarət mərkəzinin ətrafında yerləşən ticarət obyektlərində baş verən yanğın lokallaşdırılıb.
Bakı Şəhər Dövlət Yol Polisi Nərimanov rayonunda baş verən yanğınla bağlı sürücülərə müraciət edib.
Bakının Nərimanov rayonunda başlayan yanğın davam edir.
2020-ci il sentyabrın 27-də Ermənistan silahlı qüvvələrinin cəbhəboyu törətdiyi genişmiqyaslı təxribatlara cavab olaraq Azərbaycan Ordusu sonradan “Dəmir yumruq” adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi. Müzəffər Ali Baş Komandan İlham Əliyevin rəhbərliyi ilə qazanılmış möhtəşəm Zəfər tariximizə qızıl hərflərlə yazıldı.
