"Mançester Yunayted"in baş məşqçisi Joze Mourinyo alman yarımmüdafiəçi Bastian Şvaynştagerin klubdakı gələcəyi ilə bağlı məsələyə aydınlıq gətirib.
Sport7.az xəbər verir ki, portuqaliyalı mütəxəssis yarımmüdafiəçiyə ümid bəslədiyini söyləyib: "Əlbəttə, yanvarda Şvaynştager "MY"da qala bilər. Əgər sənin klubla müqavilən varsa, sən öz gələcəyini müəyyən etmək hüququna maliksən. Bastian bizə kömək edə bilər. O, digər komanda yoldaşları kimi öz üzərində işləməlidir ki, oynamaq üçün daha çox şans əldə etsin. Ötən yay biz Şvaynştager üçün başqa bir gələcəklə bağlı variantlar seçməyə çalışdıq. Lakin o, bu şəraitdə klubda qalmaq qərarına gəlmək üçün kifayət qədər güclü çıxdı. O, oynamaq şansı qazanmaq üçün öz üzərində çox işlədi. Qətiyyətli insanlar mənim xoşuma gəlir".
Bastian Şvaynştayger mövsüm başlayandan noyabrın 30-a qədər heç bir oyunda komandasının heyətində meydana çıxmayıb. Baş məşqçi yalnız göstərilən tarixdə Liqa Kubokunun 1/4 final mərhələsində "Vest Hem"ə qarşı matçda (4:1) ona şans verib.
İndoneziyanın Sumatra adasındakı Marapi dağında vulkanın püskürməsi nəticəsində ölənlərin sayı 22 nəfərə çatıb.
“İsrail və HƏMAS arasında münaqişədə Türkiyə üçün prioritet atəşkəsin bərqərar olması və Qəzza zolağına humanitar yardımın fasiləsiz çatdırılmasını təmin etməkdir”.
