Misirin sabiq prezidenti Hüsnü Mübarək 6 illik həbsdən sonra evə buraxılıb. Bu barədə “Əl-Məsri əl-Yaum” nəşrinə Hüsnü Mübarəkin vəkili Fərid əd-Dib məlumat verib.
AZƏRTAC “RİA Novosti” agentliyinə istinadla xəbər verir ki, sabiq prezident Qahirənin Maadi rayonunda yerləşən hərbi hospitaldan çıxaraq evə qayıdıb.
Qeyd edək ki, bu il martın əvvəllərində Qahirənin kassasiya məhkəməsi 2011-ci ilin yanvarında baş vermiş iğtişaşlarda nümayişçilərin ölümü ilə bağlı cinayət işi üzrə sabiq prezident barəsində bəraət qərarı çıxarıb. Daha sonra Baş Prokurorluq H.Mübarəkin həbsdən azad edilməsinə razılıq verib.
88 yaşlı sabiq prezident səhhətindəki problemlərlə əlaqədar hərbi hospitalda müalicə olunurdu.
Portuqaliya və Avstraliya Ukraynaya böyük məbləğdə yardım göstərəcək.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Nepalda torpaq sürüşməsi səbəbindən 2 avtobusun aşaraq çaya düşməsi nəticəsində azı 66 nəfər itkin düşüb.
