Milli dəyərlərin, dövlət rəmzləri və atributlarının təbliği işində gənclərin fəaliyyəti genişləndirilməlidir

Milli dəyərlərin, dövlət rəmzləri və atributlarının təbliği işində gənclərin fəaliyyəti genişləndirilməlidir
10 Dek 2016 15:50

Bakı Slavyan Universitetində (BSU) “Milli-mənəvi dəyərlər və müasirlik” mövzusunda seminar keçirilib. Tədbir Dini Qurumlarla İş üzrə Dövlət Komitəsi, Gənclər və İdman Nazirliyi və BSU-nun birgə təşkilatçılığı ilə reallaşdırılıb.

Universitetdən AZƏRTAC-a bildiriblər ki, əvvəlcə Azərbaycanın Dövlət himni səsləndirilib, şəhidlərin xatirəsi bir dəqiqəlik sükutla yad edilib.

BSU-nun prorektoru, dosent Xanım Sultanova seminarın mahiyyəti və məqsədi barədə ətraflı məlumat verib. Bildirilib ki, seminar gənclər arasında milli-mənəvi dəyərlərin təbliği və dini radikalizmə qarşı mübarizə məqsədilə Dini Qurumlarla İş üzrə Dövlət Komitəsi və Gənclər və İdman Nazirliyinin 2016-cı il üçün təsdiq edilmiş tədbirlər planına uyğun olaraq keçirilir.

Gənclər və İdman Nazirliyinin vətənpərvərlik və vətəndaşlıq tərbiyəsi sektorunun müdiri Əli Məmmədov nazirliyin tədbirlər planına əsasən bölgələrdə maarifləndirici seminar-treninqlərlə bağlı işini davam etdirdiyini bildirib. Milli dəyərlərin, dövlət rəmzləri və atributlarının təbliği işində gənclərin fəaliyyətini yüksək dəyərləndirən Ə.Məmmədov bu təbliğatı gücləndirməkdə təhsilin vacib rolunu qeyd edib.

Dini Qurumlarla İş üzrə Dövlət Komitəsinin dinşünaslıq ekspertizası şöbəsi müdirinin müavini Cahandar Əlifzadə ənənəvi İslam dəyərlərinin düzgün təbliğinin aparılmasında gənclərin üzərinə düşən vəzifələrdən danışıb. Qeyd edilib ki, ölkəmizdə dövlət-din münasibətlərinin tənzimlənməsi, müxtəlif dinlərə məxsus məbədlərin qorunması, onların təmiri və yenilərinin inşası, ali dini təhsilli kadrların hazırlanması işinə də ciddi əhəmiyyət verilir.

BSU-nun Azərbaycanşünaslıq Tədris və Mədəniyyət Mərkəzinin müdiri Malik Kərimov, jurnalistika fakültəsinin dosenti Dürdanə Tahirli müasir ailə dəyərlərinin formalaşması, multikultural dəyərlər, azərbaycançılıq məfkurəsinin geniş təbliğinin zəruriliyi barədə danışıblar.

“Dəyirmi masa”da seminarın mövzusu ətrafında müzakirələr aparılıb, tələbələrin sualları cavablandırılıb.


26 Yan 2021
Cəmiyyət

Ağır yaralanan qazilərimizin səhhətinin bərpası ilə bağlı tədbirlər davam etdirilir - FOTO

“YAŞAT” Fondu tərəfindən ağır yaralanan qazilərimizin səhhətinin bərpası ilə bağlı tədbirlər davam etdirilir.

26 Yan 2021
Cəmiyyət

Yeni smart-tipli sayğaclardan kimlər istifadə edəcək? - AÇIQLAMA

“Əhaliyə limit verilib. Noyabr-oktyabr aylarından başlayaraq müəyyən edilən limiti keçən abonentlər yandırdığı sərfiyyata uyğun limiti keçdiyi üçün daha çox vəsait ödəyir. Bununla əlaqədar onlar qaz sərfiyyatı üçün ödədikləri vəsaitin çox olduğunu bildirirlər”.

26 Yan 2021
Cəmiyyət

“Xarı bülbül” festivalı və Vaqif poeziya günləri Şuşada - mədəniyyət sahəsində mühüm layihələr hazırlanır

Milli Məclisin yaz sessiyasında Mədəniyyət komitəsində “Azərbaycan muğam sənətinin qorunması və inkişaf etdirilməsi haqqında” qanun layihəsi hazırlanacaq, digər vacib sənədlər üzərində iş davam etdiriləcək.

26 Yan 2021
Cəmiyyət

İşğaldan azad olunan ərazilərimizlə bağlı yeni layihə hazırlanır

“İşğaldan azad olunan ərazilərdə xüsusi mühafizə olunan yerlərdə dörd yasaqlıq, iki qoruğumuz mövcud olub”.

26 Yan 2021
Cəmiyyət

Bakıya yeni qaz sayğacları gətirilir - Funksiyaları AÇIQLANDI

“Azəriqaz” İstehsalat Birliyi son 10 ildə iki növ sayğacdan istifadə edir: Mexaniki-elektron və əvvəldən ödənişli (smart-tipli) sayğaclardan. Ən müasir əvvəldən ödənişli (smart-tipli) 60 min ədəd sayğac gələn ay Bakı şəhərinə gətiriləcək”.