25.02.2017-ci il tarixində Milli Onkologiya Mərkəzində “Mədə - bağırsaq sisteminin müəyyən patologiyalarında ESD (“Endoscopic Submucosal Dissection”) üsulunun tədbiqi üzrə konfrans və canlı “master-klass “” keçiriləcək. Tədbirə iştirak üçün qeydiyyat saat 8:30-da başlayır.
“Master- klass” N. N.Petrov adına onkologiya Elmi Tədqiqat İnstitutunun (Sankt-Peterburq ) endoskopiya şöbəsinin müdiri t.ü.f.d B.O. Tkaçenko tərəfindən aparılacaqdır. Aparılan əməliyyatlar canlı yayımla əməliyyatxanadan nümayiş etdiriləcəkdir. Konfransın rəsmi dili Azərbaycan və Rus dilləridir.
Tədbir Milli Onkologiya Mərkəzinin rəhbəri akademik C.Ə.Əliyevin çıxışı ilə başlayacaq. Konfransda ”Mədə - bağırsaq sisteminin polipozları və endoskopik müalicə üsulları” (MOM –un endoskopiya şöbəsinin müdiri E.İ. İbrahimov), “Qanaxmalar və xoşxassəli daralmalar zamanı endoskopik üsulların tədbiqi” (Ə.R. Hacıyev), “Qida borusunun müxtəlif etiologiyalı daralmaları zamanı stentləşmə” (endoskopiya şöbəsinin həkimi H. N. Həsənova), “Endoskopik müayinələrdə istifadə olunan yeni nəsil cihaz və alətlərin təqdimatı” (O. Yemelyanova) mövzularına toxunulacaq və ESD üsulu haqqında məlumat (Tkaçenko B. O.) veriləcəkdir.
Tədbirdə iştirak üçün aşağıdakı telefonlarla və ya electron poçt ilə əlaqə saxlamaq olar: 012 5370811 (+3160), medical_hn@yahoo.com.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
