Milli Məclisin nümayəndə heyəti Rusiyaya gedib

Milli Məclisin nümayəndə heyəti Rusiyaya gedib
27 2017 13:16

Martın 27-də Milli Məclisin sədri Oqtay Əsədovun başçılığı ilə parlament nümayəndə heyəti Rusiya Federasiyasının Sankt-Peterburq şəhərinə səfərə gedib.

Trend Milli Məclisin mətbuat xidmətinə istinadən xəbər verir ki, səfərin məqsədi Müstəqil Dövlətlər Birliyinin Parlamentlərarası Assambleyasının (MDB PA) 25 illiyi ilə əlaqədar keçiriləcək tədbirlərdə, təşkilatın Şura, 46-cı plenar və daimi komissiyalarının iclaslarında iştirak etməkdir.

Nümayəndə heyətinin tərkibinə deputatlar - Kamilə Əliyeva, Rüfət Quliyev, Malik Həsənov, Mirkazım Kazımov, İqbal Məmmədov, Rüstəm Xəlilov, Elmira Axundova, Azay Quliyev, Adil Əliyev, parlament Aparatının rəhbəri Səfa Mirzəyev və digər rəsmi şəxslər daxildirlər.

MDB PA-nın Şura iclasında təşkilatın 25 illiyi ilə əlaqədar Bəyanat qəbul olunacağı gözlənilir. Şura üzvlərinin təşəbbüsü ilə “Beynəlxalq Parlamentarizm Günü”nün təsis edilməsi, təşkilata üzv ölkələrdə keçirilmiş referendum və seçkilərin nəticələri, Parlament Assambleyasının ötən ilki fəaliyyətinin qiymətləndirilməsi və digər məsələlər müzakirə olunacaq.

MDB PA-nın 25 illiyinə həsr olunmuş təntənəli iclasda nümayəndə heyəti rəhbərlərinin, qurumla əməkdaşlıq edən beynəlxalq təşkilatların nümayəndələrinin çıxışları gözlənilir.

Plenar iclasda 10-dan çox model qanunlar nəzərdən keçiriləcək. Qurumun daimi komissiyalarında müzakirə olunaraq təsdiq olunmuş məsələlərə münasibət bildiriləcək.

Səfər çərçivəsində Milli Məclisin sədri O.Əsədovun nümayəndə heyəti rəhbərlərinin başçıları ilə bir sıra görüşləri nəzərdə tutulub. Bu görüşlərdə ikitərəfli əlaqələrin inkişafı, parlamentlərarası münasibətlərin daha da dərinləşdirilməsi, MDB PA-nın gələcək fəaliyyəti barədə fikir mübadiləsi aparılacaq.


26 Fev 2024
Siyasət

Prezident İlham Əliyev Xocalı soyqırımı qurbanlarının xatirəsini bir dəqiqəlik sükutla yad edib

Azərbaycan Respublikasının Prezidenti İlham Əliyev fevralın 26-da saat 17:00-da Xocalı soyqırımı qurbanlarının xatirəsini bir dəqiqəlik sükutla yad edib.

26 Fev 2024
Siyasət

Xocalı faciəsi qurbanlarının xatirəsi bir dəqiqəlik sükutla yad olunub - VİDEO

Fevralın 26-da Bakı vaxtı ilə saat 17:00-da Azərbaycanın bütün ərazisində Xocalı soyqırımı qurbanlarının xatirəsi bir dəqiqəlik sükutla yad olundu.

26 Fev 2024
Siyasət

İsrail səfiri Xocalı soyqırımı ilə bağlı başsağlığı verib - FOTO

“Bu gün biz 1992-ci ildə Xocalıda qətlə yetirilən qurbanları yad edirik. İsrail adından Azərbaycan xalqına dərin hüznlə başsağlığı verirəm”.

26 Fev 2024
Siyasət

Çikaqoda Xocalı qurbanlarının xatirəsinə həsr olunmuş konfrans keçirilib

Çikaqoda “Qlobal dialoq: Xocalının nəticələri - xatirələr və niyyətlər” adlı konfrans keçirilib.

26 Fev 2024
Siyasət

Xocalı soyqırımı qurbanları Sofiya şəhərində anıldı (FOTO)

Xocalı soyqırımının 32-ci ildönümü ilə əlaqədar bu qanlı qətliamın qurbanlarını anmaq və həqiqətlər barədə Bolqarıstan ictimaiyyətini məlumatlandırmaq məqsədilə Azərbaycan Respublikasının Bolqarıstan Respublikasındakı səfirliyi tərəfindən müvafiq tədbirlər həyata keçirilib.