Mətbuat Şurası: İki sayt barəsində ciddi tədbirlər görüləcək

Mətbuat Şurası: İki sayt barəsində ciddi tədbirlər görüləcək
05 2017 10:46

Mətbuat Şurasının Şikayətlər üzrə Komissiyasının iclası keçirilib.

Şuradan "Report"a bildirilib ki, toplantını açan MŞ sədrinin müavini, Jurnalistlərin Həmkarlar İttifaqının sədri Müşfiq Ələsgərli gündəlikdə duran məsələlər barədə məlumat verib. Gündəlik səsə qoyularaq qəbul edilib.

İclasda müzakirə edilən ilk məsələ Bakı şəhər 20 saylı məktəbin direktor əvəzi Yaqut Məmmədovanın "Rubrika.az" saytına qarşı müraciəti olub. İclasda sözügedən media orqanının rəhbəri Nicat Mahmudovla yanaşı mübahisəli vəziyyətlə bağlı adı çəkilən "pia.az" saytının baş redaktoru Azər Qaramanlı da iştirak edib. Şikayətə səbəb olduğu bildirilən "siam.az" və "anaxeber.az" saytlarının nümayəndələri iclasa qatılmayıblar. Şikayətçi tərəfin nümayəndəsi bildirib ki, "Rubrika.az" saytı məsələ ilə bağlı təkzib versə də, digər saytlar narazılıq doğuran materialı yayımlayıblar. Araşdırma nəticəsində məlum olub ki, həmin material "pia.az" saytında yayımlanmayıb. "Rubrika.az" saytının rəhbərinin diqqətinə çatdırılıb ki, hər hansı məsələ ilə əlaqədar material hazırlanarkən qarşı tərəfin mövqeyinə aydınlıq gətirilməsi obyektivliyin təmin olunması baxımından vacibdir. Jurnalist bunu mütləq şəkildə nəzərə almalıdır. Əks halda hazırlanmış materialın qərəz məqsədli olduğu barədə fikir formalaşır. Peşə fəaliyyətinə həssas yanaşan, ictimai missiya yerinə yetirməyi qarşısına məqsəd qoyan hər hansı kütləvi informasiya vasitəsi belə şübhələrin yaranmasına əsas verməməlidir. "Rubrika.az" saytının rəhbərliyinə mövcud xüsusda tövsiyələr verilib. Saytın rəhbəri N.Mahmudov iradlarla razılaşıb. Məlumat verilməsinə baxmayaraq iclasda iştirak etməyən "siam.az" və "anaxeber.az" saytları isə müzakirədən yayınmaqla qərəzli mövqedə olduqlarını isbatlayıblar. Hər iki kütləvi informasiya vasitəsinin fəaliyyəti ilə daha ciddi ölçü tədbirinin götürülməsi məqsədəuyğun sayılıb.

Kənd Təsərrüfatı Nazirliyi yanında Dövlət Baytarlıq Nəzarəti Xidmətinin "cumhuriyyet.net" saytına qarşı şikayətinin müzakirəsi zamanı bildirilib ki, sözügedən sayt qarşı tərəfin fikrinə aydınlıq gətirməlidir. Baş redaktor Nəsimi Şərəfxanlı iradı səmimi qəbul edib, təkzib veriləcəyini və Dövlət Baytarlıq Nəzarəti Xidmətinin mövqeyinə aydınlıq gətirəcək materialın dərcinə hazır olduğunu diqqətə çatdırıb. Komissiya üzvləri həmçinin şikayətçi dövlət qurumuna mətbuatla işin daha səmərəli aparılması üçün tövsiyələrini veriblər.

Bakı şəhər Badamdar qəsəbə sakini Bəylərova Süsən Xanoğlan qızının "azxeber.com" saytı ilə bağlı müraciəti zamanı komissiya üzvləri cavabdeh sayta material təqdim edərkən diqqətli olmağı, qarşı tərəfin mövqeyinə aydınlıq gətirməyi tövsiyə ediblər. Saytın təmsilçisi Hacıbəy Heydərli yanlışlığın tez bir zamanda aradan qaldırılacağını, təkzib veriləcəyini və qarşı tərəfin mövqeyinə aydınlıq gətiriləcəyini vurğulayıb.

Xəzər rayonu 26 saylı BŞX-nin təsərrüfat müdiri Adışirinov Nemət Fikrət oğlunun "Daryaz.az" saytı ilə bağlı şikayətinə gəlincə, komissiya üzvləri bildiriblər ki, cavabdeh media orqanının tənqid obyektinə münasibətdə tutduğu mövqe yanlışdır. O, təkzib verməli, qarşı tərəfin mövqeyinə aydınlıq gətirməlidir. Oxşar hallar təkrarlanacağı təqdirdə sayt barədə daha ciddi ictimai qınaq tədbiri seçiləcək.


8 Dek 2021
Cəmiyyət

Azərbaycan Ordusunun xüsusi təyinatlılarının anti-terror təlimi - FOTO/VİDEO

Əlahiddə Ümumqoşun Ordunun xüsusi təyinatlıları ilə “Yaşayış məntəqələrində antiterror əməliyyatlarının aparılması” mövzusunda taktiki-xüsusi təlim keçirilib.

8 Dek 2021
Cəmiyyət

Ermənilər Kəlbəcərdəki mövqelərimizi atəşə tutdu - RƏSMİ

Dekabrın 8-i saat 14:35-dən 15:30-dək Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsində yerləşən mövqelərindən Kəlbəcər rayonunun Zəylik yaşayış məntəqəsində yerləşən Azərbaycan Ordusunun mövqelərini atıcı silahlardan istifadə etməklə heç bir səbəb olmadan intensiv atəşə tutub.

8 Dek 2021
Cəmiyyət

Ölkədə bu gün peyvənd olunanların sayı AÇIQLANDI - FOTO

Azərbaycanda son sutkada koronavirus (COVID-19) əleyhinə 33 245 vaksin vurulub.

8 Dek 2021
Cəmiyyət

Azərbaycanda son sutkada 15 nəfər koronavirusdan vəfat etdi - FOTO

Azərbaycan Respublikasında koronavirus (COVID-19) infeksiyasına 1 210 yeni yoluxma faktı qeydə alınıb, 1 853 nəfər müalicə olunaraq sağalıb.

8 Dek 2021
Cəmiyyət

Horadiz-Cəbrayıl-Zəngilan-Ağbənd avtomobil yolunda tunellərin inşasına başlanıldı - FOTO

Oktyabrın 26-da Azərbaycan və Türkiyə prezidentləri tərəfindən təməli qoyulan Horadiz-Cəbrayıl-Zəngilan-Ağbənd avtomobil yolunun (Zəngəzur dəhlizi) tikintisi sürətlə davam etdirilir. Yeni inşa edilən yol boyunca layihə çərçivəsində zəruri yerlərdə ortalama ümumi uzunluğu 6 kilometr təşkil edən 3 avtomobil tunelinin inşası nəzərdə tutulub ki, bu istiqamətdə artıq tikinti işlərinə start verilib.