Messi rekordu təkrarladı, Suares 100-ə çatdı, Neymar sindromu qırdı

Messi rekordu təkrarladı, Suares 100-ə çatdı, Neymar sindromu qırdı
12 2017 14:21

Barselona"nın hücum "trio"su növbəti uğurlu çıxışla yadda qalıb.

REALPRESS.Az apasport.az-a istinadən xəbər verir ki, Lionel Messi, Luis Suares və Neymar buna İspaniya Kral Kubokunun 1/8 final mərhələsində "Atletik"lə cavab qarşılaşmasında nail olublar.

"Barsa"nın 3:1 hesabı ilə qalib gəldiyi qarşılaşmanın 35-ci dəqiqəsində hesabı açan Suares bu komandanın heyətindəki qollarının sayını 100-ə çatdırıb. Uruqvaylı forvard bunu 120-ci matçında reallaşdırıb.

Dünənki görüşün 48-ci dəqiqəsində ikinci topun müəllifi olan Neymar isə quru seriyaya son qoyub. Penaltidən fərqlənən braziliyalı 11 oyundan sonra "Barsa"nın heyətində fərqlənməyə macal tapıb. O, buna qədər sonuncu dəfə oktyabrın 19-da Çempionlar Liqasının qrup mərhələsi çərçivəsində "Mançester Siti" ilə (4:0) oyunda rəqib qapıçısını məyus etmişdi. Bu mövsüm Neymar La Liqada meydana çıxdığı 14 matçda 4 qol, 8 məhsuldar ötürmə ilə yadda qalıb.
 
78-ci dəqiqədə qarşılaşmada son nöqtəni qoyan Messi isə 2017-ci ildə meydana çıxdığı ardıcıl 3-cü görüşdə də cərimə zərbəsindən toru silkələyib. Bununla da argentinalı cərimə zərbəsindən vurduğu qol sayına görə, kataloniyalıların sabiq üzvü Ronald Kumana çatıb. 26-cı dəfə standart vəziyyətdən fərqlənən Leo daha bir qol vurarsa, "Barselona"nın bu baxımdan rekordçusu olacaq. Kuman da tvitter hesabından argentinalını təbrik edib: "Messini təbrik edirəm. Yeni rekorda 1 qolu qaldı".
 
Qeyd edək ki, "Atletik"lə ilk görüşdə minimal hesabla (1:2) məğlub olan "Barselona" cavab qarşılaşmasında 3:1 hesablı qələbə qazanaraq, adını 1/4 finala yazdırıb.



20 May 2024
İdman

Azərbaycan cüdoçusu dünya çempionatında finala vəsiqə qazanıb

Azərbaycan cüdoçusu Hidayət Heydərov (73kq) Birləşmiş Ərəb Əmirliklərinin paytaxtı Əbu-Dabidə keçirilən dünya çempionatında finala yüksəlib.

20 May 2024
İdman

"Qarabağ"dan 27 ilin rekordu

"Qarabağ" Azərbaycan Premyer Liqasının 35-ci turunda "Turan Tovuz"u 4:3 hesabı ilə məğlub etməklə mövsümdəki qol sayını 95-ə çatdırıb.

20 May 2024
İdman

Azərbaycanın daha bir paraatleti Yaponiyada dünya çempionu olub

Azərbaycanın paraatleti Səid Nəcəfzadə Yaponiyanın Kobe şəhərində keçirilən dünya çempionatında qızıl medal qazanıb.

20 May 2024
İdman

Azərbaycan karateçiləri Avropa çempionatında üç medal qazanıblar

Azərbaycanın üç təmsilçisi Almaniyanın Regensburq şəhərində keçirilmiş karate-do üzrə Avropa çempionatında üç mükafat qazanıb.

20 May 2024
İdman

Azərbaycanlı şahmatçı erməni rəqibini məğlub edib

BƏƏ-də "Şarjah Masters" şahmat turnirində altıncı turun görüşləri keçirilib.