Mərkəzi Elmi Kitabxanada ulu öndər Heydər Əliyevin xatirəsi anılıb

Mərkəzi Elmi Kitabxanada ulu öndər Heydər Əliyevin xatirəsi anılıb
08 Dek 2016 17:27

Dekabrın 8-də Azərbaycan Milli Elmlər Akademiyasının Mərkəzi Elmi Kitabxanasında (MEK) ulu öndər Heydər Əliyevin xatirəsinə həsr olunan “Heydər Əliyev və kitabxana - nəsillərdə yaşayan ənənə” mövzusunda tədbir keçirilib.

AZƏRTAC xəbər verir ki, əvvəlcə tədbir iştirakçıları ümummilli lider Heydər Əliyev ilə bağlı MEK-ə hədiyyə edilmiş kitabların sərgisi ilə tanış olublar.

MEK-in direktoru Leyla İmanova Ulu Öndərin hakimiyyətdə olduğu illərdə kitabxananın əsaslı inkişaf yolundan danışıb. O deyib: “Millətin portreti – onun dəyər verdiyi, mədəni və tarixi abidələr şəklində qoruyub saxladığı, öyrəndiyi və yaşatdığı milli və dünya irsidir. Bu irsin əsas, intellektual yüklü hissəsi isə kitabxanalarda saxlanılır. Bugünkü tədbirin məqsədi Mərkəzi Elmi Kitabxananın nümunəsində 1993-cü ildən 2003-cü ilədək ulu öndər Heydər Əliyevin kitabxanalara göstərdiyi diqqətin, verdiyi dəyərin və əməli qərarların dayanıqlı və davamlı olmasını nümayiş etdirməkdir”.

MEK-in direktoru qeyd edib ki, Heydər Əliyevin ictimai-siyasi fəaliyyətinin mühüm məqsədlərindən biri müasirlərimizdə tarixi yaddaş duyğusunu gücləndirmək, öz dilinə, ədəbiyyatına sahib çıxmaq, bununla da əcdadlarımızın yaratdığı mənəvi sərvətlərə həqiqi varis, torpağa əsl sahib formalaşdırmaq idi. Bu baxımdan MEK-in hazırda üzərində çalışdığı MRY, Vikipediya və VİS layihələri, həyata keçirdiyi elektron kataloqlaşdırma, qanunvericiliyə təkliflər və çoxlu sayda başqa təşəbbüslər MEK-ə oxucu icmasını formalaşdırmaq və akademik icmanın mərkəzinə çevrilmək imkanı verir.

Ulu Öndərin siyasi xəttinin Prezident İlham Əliyev tərəfindən uğurla davam etdirildiyini deyən MEK-in direktoru bildirib ki, Heydər Əliyevin azərbaycançılıq və dövlətçilik ənənəsi, xalqına, tarixinə, mədəniyyətinə olan məhəbbəti və fəaliyyəti nəsildən-nəslə ötürülən ənənə formasını alıb.

Tanınmış ziyalıların, elm və təhsil müəssisələrinin nümayəndələrinin iştirak etdikləri tədbirdə mövzu ilə bağlı təqdimat olub.


19 Apr 2021
İT

Vətəndaşlar “ƏDV geri al” layihəsindən nə qədər vəsait əldə edib? - RƏSMİ

“ƏDV geri al” layihəsi çərçivəsində istehlakçılara 60,2 milyon manat geri qaytarılıb.

19 Apr 2021
İT

Evdən distant təhsilin təşkili üçün 5 faydalı məsləhət

Pandemiya şəraiti, gedişli-gəlişli karantin və bütün bunların fonunda təhsilini davam etdirməyə çalışan minlərlə şagird və tələbə...

4 Mar 2021
İT

“WhatsApp”dan şad xəbər: İstifadəçilər üçün çox vacib funksiya işə salınır

“WhatsApp” messencerinin kompüter versiyası üçün artıq səsli və video zənglər əlçatandır.

23 Fev 2021
İT

Qarabağın bərpasında “rəqəmsal nəslin” rolu

Uzun illər boyu regionların inkişafı və abadlaşdırılması sənayeləşmə və aqrar sektorun inkişafı ilə bağlı idi. Ötən yüzillik inkişaf istiqamətlərinin siyahısına xidmət sahəsini, xüsusilə turizm sektorunu da əlavə etdi. Bu üç istiqamət uzun müddətdir ki, regionların inkişaf etdirilməsində ideal vasitələr kimi qəbul olunurdu. Lakin, son illərdə müasir cəmiyyət rəqəmsal texnologiyaların təsiri altında sürətlə dəyişir və bu tamamilə yeni reallıqlar formalaşdırır. 

28 Yan 2021
İT

“WhatsApp”da yeni virus yayılır

Milyonlarla istifadəçisi olan “WhatsApp” messenceri vasitəsilə yeni virus yayılır.