Yanvarın 19-da Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrində ilk dərslər 20 Yanvar – Ümumxalq Hüzn Gününə həsr ediləcək. Təhsil naziri Mikayıl Cabbarovun əmri ilə təsdiqlənmiş “20 Yanvar faciəsinin iyirmi yeddinci ildönümünün keçirilməsi barədə Tədbirlər Planı”na əsasən tədris olunacaq dərslər şagirdlərdə Vətənə məhəbbət hissinin daha da möhkəmləndirilməsi və həqiqi vətənpərvərlik məzmununun onlara düzgün anladılması məqsədlərinə xidmət edir.
BŞTİ-dən AZƏRTAC-a bildiriblər ki, dərslərdə keçmiş Sovet imperiyasının 1990-cı il yanvarın 19-dan 20-nə keçən gecə Bakıda törətdiyi vəhşiliklərdən və bu hadisələrin acı nəticələrindən, şəhid kimi əbədiyyətə qovuşmuş Vətən övladlarının şücaətindən söhbət açılacaq, qəhrəman oğul və qızlarımızın xatirəsi ehtiramla anılacaq.
Qeyd edilib ki, 20 Yanvar faciəsinin iyirmi yeddinci ildönümü ərəfəsində paytaxt məktəblərinin şagird və müəllimlərinin Şəhidlər xiyabanına ziyarəti təşkil olunur.
Ölkə ərazisində iyulun 25-də gözlənilən hava şəraiti açıqlanıb.
Dövlət İmtahan Mərkəzi II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə 7 iyul 2024-cü il tarixində keçirilmiş qəbul imtahanının nəticəsini elan edib.
Ölkə ərazisində iyulun 16-da gözlənilən hava şəraiti açıqlanıb.