ABŞ Prezidenti Donald Tramp Meksika sərhədində divar inşa edilməsi haqqında sərəncamı təsdiq etdikdən sonra, Meksikada ABŞ mənşəli mallar və xidmətlər boykot ediləcək.
Trend-in BBC-yə istinadən yaydığı xəbərə görə, artıq "Twitter" və digər sosial şəbəkələrdə #AdiosProductosGringos haşteqi ilə bu cür çağırışlara start verilib.
Sosial şəbəkələrdə meksikalıları "McDonald's", "Walmart", "Coca-Cola" və digər ABŞ şirkətlərindən imtina etməyə çağırıblar.
Artıq ABŞ "Starbucks" qəhvəxanalar şəbəkəsi bu etiraza öz münasibətini bildirib. "Starbucks" Meksika iqtisadiyyatına 7 milyon dollar yatıraraq 7 min iş yeri açdığını xatırladıb.
Yeni seçilmiş prezident Trampın ABŞ-Meksika sərhədində divar inşa edilməsi haqqında təşəbbüsü iki ölkə arasında diplomatik qalmaqala səbəb olub. Meksika Prezidenti Enrike Penya 25 yanvarda Donald Trampın sözügedən sərəncamı imzaladıqdan sonra, ABŞ-a planlaşdırılmış səfərinə imkan verməyib.
Portuqaliya və Avstraliya Ukraynaya böyük məbləğdə yardım göstərəcək.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Nepalda torpaq sürüşməsi səbəbindən 2 avtobusun aşaraq çaya düşməsi nəticəsində azı 66 nəfər itkin düşüb.
