Maliyyə Sabitliyi Şurası xüsusi pul proqramını qəbul edib

Maliyyə Sabitliyi Şurası xüsusi pul proqramını qəbul edib
19 2017 17:17

“Pul siyasətinin sərtləşdirilməsi siyasətinə artıq başlanılıb və bu siyasət il ərzində davam etdiriləcək”.

REALPRESS.Az xəbər verir ki, bunu APA-ya açıqlamasında Azərbaycan Mərkəzi Bankının (AMB) İdarə Heyəti sədrinin müavini Aftandil Babayev bildirib.

“Məzənnənin tam liberallaşması rejiminə keçidlə bağlı biz pul siyasətinin əsas hədəfi olaraq növbəli şəkildə pul bazasının həcmini seçmişik. 2017-ci ilin pul siyasətinin əsas istiqamətləri bəyanatına fikir versəniz görərsiniz ki, artıq pul bazasının həcmini hədəfləyirik. 

Həm məzənnənin liberallaşması, həm də pul bazasının hədəflənməsi gələcəkdə ortamüddətli dövrdə inflyasiyanın hədəflənməsi rejiminə keçidə hazırlıqdır. Maliyyə Sabitliyi Şurası üzvlərinin də iştirakı ilə xüsusi pul proqramı qəbul olunub. 

Sərtlik ondan ibarətdir ki, xüsusi pul proqramı bütün emissiya kanallarını nəzarətə götürür, yəni optimal səviyyədə olur. İkinci istiqamət isə faiz siyasətidir ki, bu da kifayət qədər sərtləşib. 

2016-cı ildə uçot dərəcəsi 15%-ə qədər artırılıb. Şərait tələb edərsə, bu alətdən (uçot dərəcəsindən - red.) də istifadə olunacaq. Yəni pul siyasətinin sərtləşdirilməsi pul bazasının pul proqramı əsasında nəzarətə götürülməsidir”, - deyə A.Babayev bildirib.

APA-nın bank sektorundan əldə etdiyi məlumata görə, kommersiya bankları gündəlik əsasda tənzimləyicini pul qalıqları barədə məlumatlandıracaq. AMB isə bu məlumatlar əsasında müvafiq qiymətləndirmələr aparacaq.


21 Okt 2020
İqtisadiyyat

Dövlət büdcəsinin gəlir və xərclərinin həcmi məlum oldu

2020-ci ilin doqquz ayında dövlət büdcəsinin mədaxili 17 milyard 964,6 milyon manat təşkil edib.

21 Okt 2020
İqtisadiyyat

SOCAR Gürcüstanda azərbaycanlıların yaşadığı kənddə uşaq bağçası tikir - FOTO

SOCAR Gürcüstanın etnik azərbaycanlıların yaşadığı Qabalı kəndində uşaq bağçasının tikintisinə başlayıb.

21 Okt 2020
İqtisadiyyat

Azərbaycanda metanol istehsalı artıb - VİDEO

Bu ilin yanvar-sentyabr aylarında Azərbaycanda 368,2 min ton metanol istehsal olunub.

21 Okt 2020
İqtisadiyyat

Bu il ABŞ Azərbaycana idxalda önə keçib

Amerika Birləşmiş Ştatları Azərbaycanla ticarət dövriyyəsində əsas ölkələr reytinqində önə keçib.