Maliyyə Nazirliyi Beynəlxalq Bankın nizamnamə kapitalındakı payını artırıb

Maliyyə Nazirliyi Beynəlxalq Bankın nizamnamə kapitalındakı payını artırıb
28 2017 11:06

Azərbaycan Maliyyə Nazirliyi Azərbaycan Beynəlxalq Bankının (ABB) nizamnamə kapitalında iştirak payını 21,77 faiz artırıb.

Nazirlikdən Trend-ə verilən məlumata əsasən, beləliklə, hökumətin bankın kapitalındakı payı 54,96 faizdən 76,73 faizədək artırılıb.

Payın artırılması bankın 600 milyon manat məbləğində səhmlərinin əlavə emissiyasının yerləşdirilməsi nəticəsində baş verib.

Məlumatda deyilir ki, Prezident İlham Əliyevin 15 iyul 2015-ci il tarixli fərmanı ilə nəzərdə tutulmuş tədbirlərin həyata keçirilməsi çərçivəsində hökumət bundan sonra da banka dəstək göstərməyə davam edəcək.

Bu, Beynəlxalq Bankın problemli aktivlərini geri almaq prosesinin davam etdirilməsi, həmçinin 2016-cı ilin maliyyə hesabatlılığına əsasən kapitallaşmada yardım etmək deməkdir.

Bununla da, ABB 600 million manat dəyərində səhmlərin əlavə emissiyası hesabına nizamnamə kapitalının 1 241 287 248,06 manatadək - 93,5 faizə qədər artırılması prosesini yekunlaşdırıb. Emissiya hər biri 0,27 manat dəyərində olmaqla 2 222 222 223 səhmə bölünüb.

Qeyd edək ki, 15 iyul 2015-ci il tarixində Azərbaycan Prezidenti İlham Əliyev "Azərbaycan Beynəlxalq Bankı" Açıq Səhmdar Cəmiyyətinin dövlətə məxsus səhmlərinin özəlləşdirilməyə hazırlanması ilə bağlı sağlamlaşdırılma tədbirləri haqqında fərman imzalayıb.

Bankın maliyyə vəziyyətinin bərpası məqsədilə onun problemli aktivləri "Aqrarkredit" QSC-yə keçib. Problemli kreditlərin əvəzində BOKT ABB-ni likvid vəsaitlə təmin edir. Bu günə kimi Aqrarkredit ABB-nin 10 milyard dəyərində problemli aktivlərini alıb.

  • MƏQALƏDƏ:
  •  


15 Apr 2021
İqtisadiyyat

Azərbaycanda mutant pambıq sortları yaradılacaq

Azərbaycanda xəstəliklərə, quraqlığa və şoranlığa davamlı mutant pambıq sortları yaradılacaq.

15 Apr 2021
İqtisadiyyat

Peyvənd olunanların nəzərinə: İynənin vurulduğu yerdə 72 saat ərzində... - VİDEO

“Peyvənd vurdurduqdan sonra heç bir əlamət ortaya çıxmayan şəxslərdə peyvəndin effektivliyi nisbətən aşağı olur”.

14 Apr 2021
İqtisadiyyat

Türkiyə ilə gömrük sahəsində əməkdaşlığa dair yeni sənəd imzalandı - YENİLƏNİB + FOTO/VİDEO

Azərbaycan Respublikasının Dövlət Gömrük Komitəsi ilə Türkiyə Respublikasının Ticarət Nazirliyi arasında gömrük məsələləri üzrə birgə komitənin dördüncü iclası keçirilib.